''მანჩესტერ იუნაიტედის" მთავარმა მწვრთნელმა, ჟოზე მოურინიომ აზრი შეიცვალა ახალგაზრდა ცენტრალურ მცველ ფილ ჯონსზე და მისი გუნდში დატოვება გადაწყვიტა.

ზაფხულში ხშირი იყო ჭორები იმის შესახებ,რომ თითქოს "ეშმაკების" ახალი მწვრთნელი უარის თქმას აპირებდა ჯონსის გუნდში დატოვებაზე.რეალურად,ამ მომენტში, კლუბს არ აქვს პრობლემები დაცვის ცენტრში,რამეთუ მათ შეიძინეს ერიკ ბაიი და ასევე აპირებენ გამოცდილი ცენტრ-ბექით გაძლიერებასაც.

Daily Mail-ის ინფორმაციით, ამ ზაფხულს ერთდროულად სამმა კლუბმა,"ჰალმა","უოტფორდმა" და "სტოკმა" გაუკეთეს შეთავაზება "ეშმაკებს" ინგლისის ნაკრების 24 წლის მცველის თაობაზე,თუმცა ხანგრძლივი ფიქრის შემდეგ, "იუნაიტედმა" დაინტერესებულ კლუბებს განუცხადა,რომ ჯონსი ''ოლდ ტრაფორდზე'' რჩებოდა.

მოურინიო არ ჩქარობს ჯონსთან განშორებას და ფიქრობს,რომ ფეხბურთელისთვის,რომელიც 2011 წლიდან ასპარეზობს გუნდში ჯერ კიდევ გამოიძებნება შესაბამისი როლი გრძელ სეზონში,სადაც "იუნაიტედს" შეიძლება 60 მატჩის ჩატარებაც კი მოუწიოს.