დღეს, "იუნაიტედის" 35 წლის ნახევარმცველის, მაიკლ კერიკის სადებიუტო შეხვედრიდან ზუსტად 10 წელი გავიდა. მაიკლის პირველი მატჩი "იუნაიტედის" მაისურით, "ჩარლტონის" წინააღმდეგ შეხვედრაში შედგა, სადაც იგი მოედანზე სათადარიგოთა სკამიდან შემოვიდა.

United Review-თან მან კლუბში გატარებულ 10 წელზე და დებიუტზე ისაუბრა:

"როდესაც კლუბთან კონტრაქტი გავაფორმე, მოვედი იმ იმედით, რომ გუნდში ადგილს დავიმკვიდრებდი.

ათი წლის შემდეგ, აქ ყოფნა, ღირსეული დროის გატარება და ბევრი რაღაცის მოგება ცოტა არ იყოს უცნაურა, რომ ყველაფერი ასე სწრაფად მოხდა, მაგრამ ვიმედოვნებ, რომ განსახორციელებელი კიდევ ბევრია.

მოკრძალებულ ფეხბურთელად აღიარებულმა კერიკმა ასევე თავმდაბლურად ისაუბრა "იუნაიტედში" საკუთარ მიღწევებზე. ინგლისელმა "იუნაიტედთან" ერთად 5 პრემიერ ლიგის ტიტული, ლიგის თასი, ჩემპიონთა ლიგა, ფიფას კლუბებს შორის მსოფლიო ჩემპიონატი და მაისში ინგლისის თასი მოიგო.

მაისში, "კრისტალ პალასის" დამარცხებით მოპოვებული ასოციაციის თასის მოგებით, კერიკმა ყველა ადგილობრივი ტიტული მოიგო.

"ინგლისის თასი იყო რაღაც დიდი რელიქვია. ბევრი მცდელობის შემდეგ, საბოლოოდ მე ის მივიღე. ის დღე ჩემთვის, მთელს კარიერაში ყველაზე ემოციური იყო,"

2012/13 წლების სეზონის საუკეთესო მოთამაშემ განაცხადა, რომ ნებისმიერ რამის მოგება მადას უფრო ამძაფრებს.

"როდესაც ამას ხელში იღებ და მას გემოს უსინჯავ, გრძნობ, რომ კვლავ გინდა მოგება და არ ჩერდები,"



წყარო: ManUtd.com