"მანჩესტერ იუნაიტედის" ახალგაზრდა, ნიჭიერი მარცხენა მცველი, კამერონ ბორტუიკ-ჯექსონი 2016/17 წლების სეზონს ჩემპიონშიპში მოასპარეზე "ვულვერჰემპტონის" ღირსებას დაიცავს.

"იუნაიტედის" აკადემიის აღზრდილი 19 წლის მცველის დებიუტი პირველ გუნდში ნოემბერში, "ვესტ ბრომვიჩის" წინააღმდეგ მატჩში შედგა. მას შემდეგ ინგლისელმა ახალგაზრდამ 14 შეხვედრა ჩაატარა.

გასულ სეზონში ჯექსონი წლის საუკეთესო 21-წლამდელი მოთამაშე და ასევე უორენ ჯოისის ახალგაზრდულ, ჩემპიონ გუნდში გადამწყვეტი ფიგურა გახდა, რის შემდეგაც გუნდთან კამერონმა 2020 წლამდე ხელშეკრულება გააფორმა.

ბორტუიკ-ჯექსონმა ახალ სეზონში პირველი მატჩიც ჩაატარა. ახალგაზრდა "ეშმაკები" პრემიერ ლიგა 2-ში "ლესტერს" დაუპირისპირდნენ.

"ვულვზმა" ჩემპიონატში 4 შეხვედრა ჩაატარა და აქიდან 2 იმარჯვა, 2 კი ფრედ დაასრულა. "მგლები" ჩემპიონშიპის სატურნირო ცხრილში მესამე ადგილს იკავებენ.