პოლ პოგბამ განაცხადა, რომ "საუთჰემპტონის" წინააღმდეგ პარასკევს გასამართ მატჩში მოედანზე გამოსასვლელად სრულად მზად არის.

"ვითამაშებ მე პარასკევს? თქვენ ეს მწვრთნელს უნდა ჰკითხოთ, მაგრამ თავს შესანიშნავად ვგრძნობ და 10 დღეა ვვარჯიშობ. მე წესრიგში ვარ,"-ციტირებს პოგბას სიტყვებს Sky Sports

"გრაფიკს უკვე შევეჩვიე. ორი წლის წინ, როდესაც "იუვეში" ვიყავი, მსოფლიოს ჩემპიონატზე ვიასპარეზე, 3 წლის წინ კი ასევე მონაწილეობა მივიღე 20-წლამდელთა მუნდიალზეც. ასე რომ, ყველაფერი ნორმალურად არის. საქმე მხოლოდ ფიზიკურ მდგომარეობას ეხება, მე კი არდადეგების დროსაც ვვარჯიშობდი.

არ ვფიქრობ იმაზე, თუ რამდენი გადაიხადეს ჩემს ტრანსფერში, უბრალოდ ბედნიერი ვარ, რომ ფეხბურთის თამაში შემიძლია. ჩემი ამბიციები მდგომარეობს იმაში, რომ მინდა ვიყო მსოფლიოში ნომერ პირველი. ასე რომ, ჩემი მიზანია ჩემპიონატში გამარჯვება. ჩვენ ჩემპიონთა ლიგაზე გვსურს დაბრუნება, რადგან "იუნაიტედის" ადგილი სწორედ იქაა,"

წყარო: ManUtd.ru