სანდო წყაროზე დაყრდნობით Sky Sports იუწყება, რომ "მანჩესტერ იუნაიტედის" იტალიელი მარჯვენა მცველის შეძენით "რომა" და "ნაპოლი" ინტერესდებიან.
26 წლის იტალიელი "ოლდ ტრაფორდზე" გასულ წელს "ტორინოდან" გადმოვიდა, თუმცა, მიუხედავად კარგი სტარტისა, ძირითად შემადგენლობაში ადგილის დამკვიდრება ვერ მოახერხა.
მატეომ ცოტა ხნის წინ განაცხადა, რომ ძირითადისთვის ბრძოლას გააგრძელებს, თუმცა მას შემდეგ დარმიანი ინგლისის სუპერთასისა და "ბორნმუთის" წინააღმდეგ მატჩების განაცხადშიც კი ვერ მოხვდა. ცნობილია, რომ მარცხენა პოზიციაზე გამწესებული, შესანიშნავ ფორმაში მყოფი ანტონიო ვალენსიას შემცვლელად ჟოზე მოურინიო არა დარმიანს, არამედ ტიმოთი ფოსუ-მენსას მოიაზრებს. მატეო მწვრთნელის მესამე არჩევანი გახდება.
მოურინიო უკმაყოფილო იყო იმით, რომ განაცხადში მხოლოდ 23 ფეხბურთელის არჩევა უწევდა, სწორედ ამის გამო ნაკლებად სავარაუდოა, რომ პორტუგალიელმა 1 პოზიციაზე სამი კანდიდატი დატოვოს, თუ იგი დარმიანის გამოყენებას მარცხენა ფლანგზე არ აპირებს.