"მანჩესტერ იუნაიტედისა" და "არსენალის" მხრიდან მუდმივი ინტერესის შემდეგ, "საუთჰემპტონმა" საკუთარ პორტუგალიელ კაპიტანს ახალი კონტრაქტი შესთავაზა.
ფონტე ინგლისში 2007 წლიდან ასპარეზობს. 2010 წელს იგი "საუთჰემპტონში" "კრისტალ პალასიდან" 800 ათასი ფუნტის სანაცვლოდ გადავიდა, რის შემდეგაც "სენტ მერიზე" 250-ზე მეტი შეხვედრა ჩაატარა.
ცოტა ხნის წინ ჟოზემ ევროპის 2016 წლის ჩემპიონატზე თავისი მაღალი კლასი გამოაჩინა და ტოპ კლუბების ყურადღება მიიქცია. მიუხედავად ამისა, "სოტონი" კაპიტნის გაშვებას არ აპირებს.
ფონტემ უკანასკნელი 3-წლიანი კონტრაქტი გასულ წელს გააფორმა, რომლის თანახმადაც პორტუგალიელი 45 ათას ფუნტს იღებს, თუმცა ამჟამად The Telegraph-ის ინფორმაციით, კლუბმა 32 წლის მცველს ახალი, გაუმჯობესებული ხელშეკრულება შესთავაზა.
"საუთჰემპტონი" მზად არის ფონტეს 70 ათასი ფუნტი გადაუხადოს და პორტუგალიელი კლუბში ერთ-ერთი ყველაზე ძვირადღირებული ფეხბურთელი გახადოს. "წმინდანები" იმედოვნებენ, რომ ეს იქნება საკმარისი თანხა იმისთვის, რომ ფეხბურთელმა "იუნაიტედის" შეთავაზებას უარი უთხრას.