"მანჩესტერ იუნაიტედმა" პოგბა ესპანურ გრანდებთან, მადრიდის "რეალსა" და კატალონიის "ბარსელონასთან "გატოლების" მიზნით შეიძინა.
ესპანურმა გიგანტებმა თავიანთ რიგებში გადმოიბირეს ისეთი ვარსკვლავები, როგორებც არიან: კრიშტიანო რონალდო, ლუის სუარესი, ლუკა მოდრიჩი და გარეთ ბეილი. მიუხედავად ინგლისური კლუბების სიმდიდრისა, "რეალი" და "ბარსელონა" თითქმის ყველა ფეხბურთელისთვის უფრო მიმზიდველი ვარიანტია.
"იუნაიტედის" ხელმძღვანელობა კი მიიჩნევს, რომ პოგბას ტრანსფერი წინგადადმული ნაბიჯია და ფეხბურთელის ყიდვის ბალანსში პრემიერ ლიგის მხარე ახლა უფრო მისაღები გახდა. ცნობილია, რომ ფრანგი ნახევარმცველის შეძენაში "იუნაიტედმა" მადრიდის "რეალი" დაამარცხა.
The Guardian-ის ინფორმაციით, "სამეფო კლუბი" უკვე რამდენიმე თვის განმავლობაში ცდილობდა 23 წლის ფრანგის შეძენას, თუმცა პოლმა "ოლდ ტრაფორდზე" დაბრუნება არჩია და მსოფლიოში ყველაზე ძვირადღირებული შენაძენი გახდა.