დღეს "უემბლიმ" ინგლისის სუპერ თასის შეხვედრას უმასპინძლა, სადაც ერთმანეთს ინგლისის ჩემპიონი "ლესტერი" და ინგლისის თასის გამარჯვებული "მანჩესტერ იუნაიტედი" დაუპირისპირდნენ.

ჟოზე მოურინიომ თავისი პირველი ოფიციალური მატჩი მოიგო და პირველი ტიტული მოიპოვა "მანჩესტერ იუნაიტედის" მწვრთნელის რანგში. ლინგარდისა და იბრაჰიმოვიჩის გოლების წყალობით "წითელმა ეშმაკებმა" მეტოქე 1-2 დაამარცხეს და ინგლისის სუპერთასი მოიპოვეს.