ჟოზე მოურინიოს სჯერა, რომ "ლესტერის" მოულოდნელი ტრიუმფი, მხოლოდ ინგლისის "განსაკუთრებულ" პრემიერ ლიგაში შეიძლება მოხდეს.
მოგეხსენებათ, დღეს ინგლისის სუპერ თასზე, ქომუნითი შილდზე პრემიერ ლიგისა და ინგლისის თასის გამარჯვებულები, "უემბლიზე" დაუპირისპირდებიან.
"ეს არის ქვეყანა, სადაც შეიძლება ყველაფერი მოხდეს. ეს არის ქვეყანა, სადაც ფეხბურთის სტრუქტურა ხელს უწყობს, რომ მოხდეს საოცრებები.
სხვა ქვეყნების ძლიერ კლუბებს არ სურთ, რომ სხვა კლუბებს ფული გაუზიარონ. მათ არ სურთ, რომ სატელევიზიო უფლებები გააზიარონ. მათ სურთ კომფორტულად იყვნენ და იციან, რომ ჩემპიონთა ლიგაზე ტოპ კლუბები არიან.
მათ სურთ, რომ კონკურენცია გაუწიონ მხოლოდ ორმა, სამმა, ოთხმა ან თუნდაც ერთმა გუნდმა. მთელს ევროპაში, როდესაც უსმენ ხალხს, ისინი ფეხბურთს დედა ტერეზას გვანან, მაგრამ სინამდვილეში ასე არ არის.
მათ არ სურთ ლიგა, ინგლისში კი ეს ყველას უნდა. აქ გაიგებ ისეთ საოცარ ისტორიებს, როგორიც "ლესტერია", რომელიც პრემიერ ლიგას მეტ სანდოობას მატებს.
ინგლისში ყველა კლუბს სურს, რომ ცხრილში მყოფ გუნდებს საპრიზო თანხა გაუზიაროს. პრემიერ ლიგაში ძალიან მაღალი კონკურენცია ხელს უწყობს ისეთი გუნდის ჩემპიონობას, როგორიც "ლესტერია" . მათთვის ეს უდიდესი მიღწევაა, რომელიც საშუალო ზომის კლუბებს, დიდ გუნდებად ჩამოყალიბებაში ხელს უწყობს,"
მოურინიომ "მელიები" სრულიად განსხვავებული სახის გამოწვევაში გააფრთხილა, მაგრამ რთული გრაფიკის მიუხედავად, პორტუგალიელს სჯერა, რომ ინგლისის ჩემპიონები ამას გაუმკლავდებიან.
"ვფიქრობ, ეს მათთვის ძალიან რთული სეზონი იქნება, მაგრამ ვიმედოვნებ, რომ მათ ამ სიტუაციიდან გამოძვრენა შეუძლიათ. მათ აქვთ ახალი გამოცდილება, ჩემპიონთა ლიგაზე თამაში, სადაც მათ მინიმუმ 6 დიდი მატჩის ჩატარება მოუწევთ, რომელიც მათ სეზონსა და სავარჯიშო მეთოდოლოგიას შეცვლის.
თუმცა, მათ გასულ სეზონთან შედარებით უკეთესი შემადგენლობა ჰყავთ. მათ მოიზიდეს ფეხბურთელები და ჰყავთ კარგი მწვრთნელი, რომელიც ძალიან გამოცდილია. ვიმედოვნებ, რომ ისინი ამას გაუმკლავდებიან და მათ ყველაფერ საუკეთესოს ვუსურვებ,"