უეინ რუნიმ გუშინ გამართული საქველმოქმედო მატჩის შესახებ ისაუბრა და აღიარა, რომ თავს უხერხულად გრძნობდა, რადგან ყველას ყურადღება მის მიმართ იყო გამახვილებული.

"ეს უდიდესი საღამო და კარიერაში ერთ-ერთი ყველაზე საუკეთესო მომენტი იყო, რომლითაც ძალიან ვამაყობ. ამას არასდროს დავივიწყებ. საქველმოქმედო ფონდებს ძალიან დიდი სახსრები შევმატეთ, რაც ძალიან კარგია.

დღეს ჩემთვის ბედნიერი დღეა, ემოციებით სავსე და მიხარია, რომ ამას ჩემს ოჯახსა და გულშემატკივრებს ვუზიარებ, რომლებიც მე უკვე 12 წელია მიჭერენ მხარს. მათ მხარდაჭერას ძალიან ვაფასებ.

ეს მატჩი ფორმაში შესვლის თვალსაზრისით ძალიან მნიშვნელოვანი იყო და საჭიროა, რომ ზოგიერთი რამ შეგვემუშავებინა. ვფიქრობ, ჩვენ დავალეა შევასრულეთ. მატჩის დროს იყო ძალიან ბევრი პოზიტიური მომენტი, განსაკუთრებით პირველ ტაიმში, მაგრამ იყო მომენტები, რომლებზეც უნდა ვიმუშავოთ. მიუხედავად ყველაფრისა, ეს მაინც შესანიშნავი საღამო იყო.

ფეხბურთი - გუნდური თამაშია, რის გამოც ძალიან უცნაური იყო ის, რომ მატჩის წინ, მთელი ყურადღება ჩემზე იყო გამახვილებული. მე შვებით ამოვისუნთქე, როდესაც სასტვენის ხმა გაისმა და ყველაფერი ჩვეულ რიტმს დაუბრუნდა. შემდეგ მივხვდი, რომ ასეთი მატჩი მხოლოდ ერთხელაა და მნიშვნელოვანი მომენტი უნდა შეაფასო, რადგან ის არ განმეორდება. თავის დროზე აქ მე ძალიან ბევრი კარგი მომენტი მაკავშირებს და ვიმედოვნებ, რომ მომავალშიც ასე იქნება,"-აცხადებს რუნი MUTV-სთან






წყარო: ManUtd.com