უამრავი ბრიტანული და ევროპული გაზეთი წერს იმის შესახებ, რომ "მანჩესტერ იუნაიტედში" პოგბას ტრანსფერი დასკვნით სტადიაშია.
საფრანგეთის ნაციონალური სპორტული გამოცემა L’Équipe იუწყება, რომ პოგბა ადგილობრივი დროით 13:30 წუთზე ლოს-ანჯელესში ჩავიდა, რათა სამედიცინო შემოწმება გაევლო, ხოლო გარიგების მიღწევის შესახებ ოფიციალური ინფორმაცია დღეს გავრცელდება. ასევე ამ ინფორმაციას ადასტურებს ერთ-ერთი ყველაზე პოპულარული იტალიური გაზეთი La Stampa.
თავის მხრივ, Sky Italia წერს, რომ "მანჩესტერ იუნაიტედსა" და "იუვენტუსს" შორის მოლაპარაკებები ხვალ დასრულდება, რაც შეეხება რაიოლას საკომისიო თანხას, პროცენტებს აგენტს ტურინული მხარე გადაუხდის.
ერთ-ერთი ყველაზე პოპულარული ჟურნალისტი, ჯანლუკა დი მარციოც ადასტურებს ამ ინფორმაციებს და აცხადებს, რომ პარასკევს პოგბა ოფიციალურად "მანჩესტერ იუნაიტედის" ფეხბურთელი გახდება.