"პარის სენ-ჟერმენის" ახალწვეულმა, ჰატემ ბენ-არფამ განაცხადა, რომ იმ შემთხვევაში, თუ პოლ პოგბა "იუნაიტედში" დაბრუნდება, იგი "ოლდ ტრაფორდზე" წარმატებული იქნება.

23 წლის ფრანგის ტრანსფერის საგა დღითიდღე უფრო დაძაბულ ფაზაში შედის. მოგეხსენებათ, იმ შემთხვევაში თუ ფრანგი მანჩესტერულ კლუბში დაბრუნდება, ეს მსოფლიო ფეხბურთის ისტორიაში ყველაზე ძვირადღირებული ტრანსფერი იქნება.

ბენ არფა აცხადებს, რომ პოგბას შეუძლია ზეწოლასთან ბრძოლა და პრემიერ ლიგაში სწრაფი ადაპტირება.

"ეს იქნება უზარმაზარი გარიგება,"-განუცხადა ჰატემმა ფრანგულ Le Parisien-ს.

"თუ "მანჩესტერ იუნაიტედი" მასში დიდ თანხას იხდის, ამ შემთხვევაში გუნდმა იცის, თუ რატომ აკეთებს ამას.

რა თქმა უნდა, პოლს დიდი პასუხისმგებლობა დაეკისრება, მაგრამ მე მისი მჯერა.

დარწმუნებული ვარ, რომ ინგლისში ის საკუთარ თავს კვლავ სწრაფად იპოვის,"

წყარო: M.E.N