"მანჩესტერ იუნაიტედის" მთავარი მწვრთნელის, ჟოზე მოურინიოს გადაწყვეტილებაზე იქნება დამოკიდებული უეინ რუნის სათამაშო ამპლუა ეროვნულ ნაკრებში.

"იუნაიტედში" მოსვლისას, პირველი პრესკონფერენციაზე მოურინიომ განმარტა, რომ უეინის გამოყენებას ნახევარდაცვაში, როგორც ეს ევრო 2016-ის ჩათვლით გასულ სეზონში ხდებოდა, არ აპირებს.

ინგლისის ნაკრების ახალ მწვრთნელ, სემ ელერდაისს ჯერჯერობით არ აქვს გადაწყვეტილი, თუ სად ითამაშებს უეინი და მის პოზიციის განსაზღვრას პორტუგალიელ კოლეგას ანდობს.

"უეინისთვის ნაკრებში ჯერ კიდევ არის ადგილი. მისი პოზიცია? არ ვიცი, თუ ჟოზე რუნის ნახევარდაცვაში არ ხედავს და მის გამოყენებას სხვა პოზიციაზე აპირებს, ინგლისის ნაკრებში უეინის მოწვევა ნახევარდაცვის ცენტრში, უბრალოდ უაზრობა იქნება,"-ციტირებს ელერდაისის სიტყვებს BBC

წყარო: Fapl.ru