ფრანგი ყველაზე ძვირადღირებული 21 წლამდელი მოთამაშე გახდა.
Prime Time Sport-ზე დაყრდნობით, ენტონი მარსიალი, რომლის სატრანსფერო ღირებულებაც 39.7 მილიონი ფუნტია, ყველაზე ძვირადღრებული 21 წლამდელი ფეხბურთელია.
მოგეხსენებათ, ფრანგი ფორვარდი "იუნაიტედმა" გასული სეზონის ზაფხულის სატრანსფერო ფანჯარაზე, 36 მილიონ ფუნტად შეიძინა, მაგრამ Soccerex-ის კვლევამ, რომელმაც Prime Time Sport-ის 1995 წლის 1 ივლისის შემდეგ დაბადებულ ფეხბურთელთა ღირებულების ინდექსი გამოიყენა, დაადგინა, რომ ანტონის ღირებულება ახლა უფრო დიდია.
სიაში 31,2 მლნ. ფუნტით მეორე ადგილი დაიკავა 20 წლის "შალკეს" ნიჭიერმა შემტევმა, ლეროი სანემ, რომლის შეძენით მადრიდის "რეალი", "მანჩესტერ სიტი" და "ბაიერნი" ინტერესდებიან.
სიაში მეშვიდე ადგილი დაიკავა მარკუს რეშფორდმაც, რომლის ღირებულებამ გამოთვლებით 22,51 მილიონი ფუნტი შეადგინა.
აღსანიშნავია ის, რომ 10 ყველაზე ძვირადღირებულ ფეხბურთელთა სიაში, მხოლოდ ბუნდესლიგისა და პრემიერ ლიგის ფეხბურთელები მოხვდნენ.
წყარო:
SkySports