"ვესტ ჰემის" მთავარი მწვრთნელი სლავენ ბილიჩი მიიჩნევს, რომ გუნდის ახალგაზრდა ახალწვეულებს, ეშლი ფლეტჩერსა და ტონი მარტინესს მარკუს რეშფორდის წარმატებით გამეორება შეუძლიათ.

ზაფხულის სატრანსფერო ფანჯარაზე, "ჩაქუჩებმა" ორი ახალგაზრდა ტალანტი, "მანჩესტერ იუნაიტედიდან" ეშლი ფლეტჩერი და "ვალენსიადან" ტონი მარტინესი შეიძინეს. ხორვატი სპეციალისტი კი მიიჩნევს, რომ ახალწვეულებს ძირითადი შემადგენლობისთვის ბრძოლა შეუძლიათ.

"ფლეტჩერი და მარტინესი პერსპექტიული ფეხბურთელები არიან. მარტინესმა უკვე აჩვენა, რომ "ვესტ ჰემში" მომავალი აქვს, თუმცა წინ პრემიერ ლიგაა და ისინი ჯერ კიდევ ახალგაზრდები არიან.

მათგან რომელიმეს შეუძლია ის, რაც გააკეთა "მანჩესტერ იუნაიტედში" მარკუს რეშფორდმა გასულ წელს, თუმცა, სეზონის თავიდან დაწყება - ეს არის ის, რასაც მათგან არ ვითხოვთ.

მათ შეუძლიათ მოვიდნენ მოულოდნელად და გაგვაოცონ ლიგაში, როგორც ეს მარკუსმა გააკეთა, თუმცა, ჩვენ ძირითადი შემადგენლობისთვის ფორვარდს უკვე ვეძებთ და თუ ვიპოვით, აუცილებლად გავიფორმებთ კიდეც,"-განუცხადა ბილიჩმა კლუბის ოფიციალურ ვებ-გვერდს.

წყარო: Fapl