პირველად ამ ზაფხულის მანძილზე ტელეარხ ESPN-ს ჟურნალისტმა, პოლ პოგბას "მანჩესტერ იუნაიტედში" შესაძლო დაბრუნების შესახებ კითხვა დაუსვა.

ESPY Awards-ის ცერემონიაზე, სადაც ფრანგი ნახევარმცველიც იყო მიწვეული, ჟურნალისტებმა ფეხბურთელს "რეალის", "მანჩესტერ იუნაიტედისა" და "იუვენტუსის" მაისური აჩვენეს და ჰკითხეს, თუ რომელს აირჩევდა თავად პოლი.



"მე სამივეს ავიღებ,"-დიპლომატიურად უპასუხა ფრანგმა. სამივე კლუბზე საუბრისას, პოლმა განაცხადა, რომ "იუვე" მისი ოჯახია, თუმცა, თავის პირველ ოჯახად, მან "მანჩესტერ იუნაიტედი" დაასახელა. პირდაპირ კითხვაზე, დაბრუნდება თუ არა ფრანგი "ოლდ ტრაფორდზე", პოგბამ შემდეგი კომენტარი გააკეთა:"ჯერჯერობით არ ვიცი. ვნახოთ, რა მოხდება შემდეგში."

ჟურნალისტებმა პოგბას ასევე კითხეს ის, რომ იმ შემთხვევაში, თუ მოურინიო ფრანგს დღესვე უხმობდა, რა გადაწყვეტილებას მიიღებდა ახალგაზრდა ნახევარმცველი, თუმცა პოგბამ თავი ამ კითხვასაც აარიდა და სხვა საკითხზე გადავიდა.

"არ ვიცი. ახლა "იუვენტუსის" მოთამაშე ვარ და ასევე ყველაფრით კმაყოფილი. არ შემიძლია იმის თქმა, თუ სად ვისურვებდი წასვლას,"

ასევე ბრიტანული პრესა განიხილავს, ჩინელი მზარეულის, გვარად ჩინის ფოტოებს, რომელმაც "ინსტაგრამის" გვერდზე ზლატან იბრაჰიმოვიჩთან და პოლ პოგბასთან ერთად გადაღებული სელფი გამოაქვეყნა და განაცხადა, რომ მოთამაშეებთან ერთად ლოს-ანჯელესი ერთ-ერთ რესტორანში ისადილა. შეგახსენებთ, რომ ფეხბურთელები ერთმანეთს კარგად იცნობენ და ორივე ფეხბურთელის წარმომადგენელი მინო რაიოლაა.