"მანჩესტერ იუნაიტედის" ყოფილი ფეხბურთელი პოლ პარკერი მიიჩნევს, რომ ჟოზე მოურინიო და ზლატან იბრაჰიმოვიჩი თავიანთ ახალ კლუბში წარმატებას ვერ მიაღწევენ.

მოურინიომ "ოლდ ტრაფორდის" მკვიდრებთან სამწლიანი კონტრაქტი გააფორმა და უკვე მოახერხა სამი ტრანსფერის განხორციელება, რომელთა შორისაა ზლატან იბრაჰიმოვიჩიც.

"იუნაიტედის" გულშემატკივარს ორივე მათგანისგან დიდი მოლოდინი აქვს, მაგრამ პარკერი ამ შეხედულებას არ იზიარებს.

"როცა "ჩელსიში" დაბრუნდა, აღნიშნა, რომ "ინტერსა" და "რეალში" გატარებული დროისგან ბევრი ისწავლა, მაგრამ თავის პრესკონფერენციაზე ძველ სტილს დაუბრუნდა, როცა არსენ ვენგერი ახსენა.

"მანჩესტერ იუნაიტედის" მწვრთნელისთვის ერთადერთი რამ, რასაც მნიშვნელობა უნდა ჰქონდეს, თავად "მანჩესტერ იუნაიტედია". ეს არ უნდა აშფოთებდეს. სხვა მწვრთნელებზე რატომ ღელავს?

მოურინიოს აქვს სათამაშო სტილი, რომელიც არ იცვლება, მიუხედავად იმისა, თუ რამდენად ცუდ ან კარგ გუნდში მოხვდა. არა მგონია, აქაც შეეძლოს ან ისურვოს შეცვლა.

თუ "იუნაიტედის" გულშემატკივართა პრიორიტეტი ნებისმიერ ფასად მატჩის მოგებაა, მაშინ ისინი არ ყოფილან "იუნაიტედის" ნამდვილი გულშემატკივრები - მე ლორან ბლანს ავირჩევდი". - განაცხადა პარკერმა.

პარკერმა, რომელმაც "წითლების" რიგებში 1991 წლიდან 1996 წლამდე 5 სეზონი გაატარა, ასევე აღნიშნა, რომ სანამ იბრაჰიმოვიჩს ერიკ კანტონას შეადარებენ, მანამ შვედმა დიდი გზა უნდა განვლოს.

"იბრაჰიმოვიჩს სკეპტიკურად ვუყურებ. მან თავისი შესაძლებლობები უნდა დაამტკიცოს და ასაკი მის წინააღმდეგ მეტყველებს. მოურინიოს წინა ხაზში ცენტრთან დაკავშირებული ფეხბურთელი, აგრესიული ცენტრფორვარდი მოსწონს.

თუ ისევე ითამაშებს იბრაჰიმოვიჩი, როგორც პსჟ-ში, არაფერი გამოუვა, რადგან პრემიერ ლიგის ცხრილის ქვედა ნაწილში მყოფი გუნდები მეტისმეტად კონკურენტუნარიანები არიან".

წყარო: metro