საფრანგეთის ნაკრების ნახევარმცველმა ბლეზ მატუიდიმ "მანჩესტერ იუნაიტედთან" დაკავშირებით მის შესახებ გავრცელებულ ჭორებზე საუბარი არ ისურვა.

"პარი სენ-ჟერმენის" ფეხბურთელი დიდიე დეშამის გუნდის ერთ-ერთი უცვლელი ფიგურაა ევროპის ჩემპიონატზე, სადაც ფრანგები ფინალში გავიდნენ.

ნახევარფინალში "მამლებმა" მსოფლიო ჩემპიონი გერმანიის ნაკრები დაამარცხა და მატჩის წინ გავრცელდა ინფორმაცია, რომ მატუიდიმ ფრაგთა ბანაკი "ოლდ ტრაფორდზე" სამედიცინო შემოწმების გასავლელად დატოვა. როცა მატუიდის ჰკითხეს, ფიქრობდა თუ არა ჟოზე მოურინიოს გუნდში გადასვლაზე, მან უპასუხა:

"ყველაფერზე წინ მე ფრანგი ვარ. ამ შეკითხვის დრო არ არის. 100%-ით ევროპის ჩემპიონატზე ვფიქრობ.

ახლა ისეთი მომენტით ვცხოვრობ, რომელიც მეორედ შეიძლება, ვერასდროს განვიცადო. ძალიან ამაყი ვარ.

ჯერჯერობით კვლავ პსჟ-სთან მაკავშირებს კონტრაქტი და საკითხი აქ წყდება", - განაცხადა მატუიდიმ.