ჟოზე მოურინიო წინასასეზონო ტურნეს მზადების პროცესში "მანჩესტერ იუნაიტედის" ფეხბურთელებთან მუშაობს.

"წითლების" ახალი ეპოქა 16 ივლისს "უიგანთან" ამხანაგური მატჩით დაიწყება და მთავარი მწვრთნელი მის განკარგულებაში მყოფი რამდენიმე ფეხბურთელის გამოცდას აპირებს.

მიუხედავად იმისა, რომ ხუთშაბათს მანჩესტერში კოკისპირულად წვიმდა, მოურინიო სავარჯიშო პროცესში აქტიურ მონაწილეობას იღებდა და სანამ საერთაშორისო მატჩებიდან დასაბრუნებელი ფეხბურთელები შეუერთდებიან, მის განკარგულებაში მყოფთ წვრთნიდა.

მიუხედავად იმისა, რომ გუნდს მოსამზადებლად არც ისე დიდი დრო აქვს, პორტუგალიელს სჯერა, რომ მისი იდეების ფეხბურთელებამდე მიტანას შეძლებს.

"რეალობა ის არის, რომ ზოგიერთი პროცესის შემოკლება უნდა ვცადო. მაგრამ პროცესს კვირები, კვირები და კვირები დასჭირდება, ხანდახან კი წლები და წლები, რადგანაც გაუმჯობესების საშუალება ყოველთვის არსებობს.

ამ კვირაში, როცა ყველანი ერთად ვიქნებით, გუნდს პრინციპებს დავუსახავ - არ ვამბობ "დინამიკას", რადგან დინამიკას უფრო დიდი ხანი სჭირდება. ჩემი პრინციპები ობიექტურია და ვხვდები, რომ ფეხბურთელებისთვის დრამა არ იქნება მათი გაგება და ჩემთვის იმის მოცემა, რაც მინდა", - განაცხადა მოურინიომ.

წყარო: manutd.com