"მანჩესტერ იუნაიტედის" ყოფილი მეკარე ვიქტორ ვალდესი "მიდლსბროს" მეკარე გახდა.

"ბარსელონასა" და ესპანეთის ყოფილმა კიპერმა ორწლიან კონტრაქტს მოაწერა ხელი პრემიერ ლიგაში წელს დაბრუნებულ გუნდთან, რის შემდეგაც "მიდლსბროს" მეხუთე ახალწვეული გახდა.



ვალდესმა "იუნაიტედი" ლუი ვან გაალის ხელმძღვანელობისას დატოვა, მანამდე კი "წითლების" რიგებში მხოლოდ ორი მატჩი ჩაატარა.

ჰოლანდიელ მწვრთნელსა და ესპანელ მეკარეს უთანხმოება მოუხდათ იმის გამო, რომ ვალდესმა კლუბის 21-წლამდელთა გუნდში თამაში იუარა, თუმცა ეს მხოლოდ მას შემდეგ მოხდა, რაც ვალდესმა სამი მატჩი ჩაატარა ახალგაზრდულ გუნდში. უთანხმოების ჩამოვარდნის შემდეგ კი ვიქტორი ლიეჟის "სტანდარდში" გადავიდა იჯარით.

"მიდლსბრომ" პრემიერ ლიგაში დაბრუნების შემდეგ უკვე მეხუთე ტრანსფერი განახორციელა. მათი პირველი შენაძენი ვიქტორ ფიშერი გახდა, მეორე - ბერნარდო ესპინოსა, მესამე - ჯორდან მაგიი, ხოლო მეოთხე - მარტენ დე რუუნი.

წყარო: goal.com