სოციალურ ქსელში გავრცელდა ფოტოები, რომელიც ასახავს, რომ "მანჩესტერ იუნაიტედის" მაისურების ოფიციალურ მაღაზიაში Adidas-ის მიერ ჰენრიხ მხითარიანის სახელზე შეკერილი გასვლითი მაისურები იყიდება.

ეს გარემოება პოტენციურ დასტურად ჩაითვალა იმისა, რომ "წითლების" რიგებში სომეხი ფეხბურთელი გადადის, თუმცა მოგვიანებით მაღაზიამ ოფიციალური განცხადება გააკეთა, რომელშიც სისტემის შეცდომაზე მიუთითა.



"სამწუხაროდ, შეცდომა დაფიქსირდა გვერდზე, რომელიც თქვენ იხილეთ. მაღაზიის ტექნიკოსებს ამ შეცდომის შესახებ ვაცნობეთ და მას რაც შეიძლება მალე მოაგვარებენ, ამ დროის განმავლობაში კი გთხოვთ, გამოიყენოთ სხვა მენიუები, რათა ვებ-გვერდის სხვა პუნქტები დაათვალიეროთ", - ნათქვამია განცხადებაში.

წყარო: M.E.N.