ინგლისის ნაკრებისა და "მანჩესტერ იუნაიტედის" კაპიტანმა, უეინ რუნიმ სლოვაკეთის ნაკრების წინააღმდეგ (0:0) მატჩის შემდეგ, კრიტიკის ქარცეცხლში მოქცეულ როი ჰოჯსონს მხარი დაუჭირა.

ჰოჯსონმა მატჩის დაწყებამდე სათადარიგოთა სკამზე ძირითადი შემადგენლობის 6 მოთამაშე დასვა, რის გამოც პუბლიკამ იგი გააკრიტიკა.

"ვფიქრობ, რომ იმ შემთხვევაში, თუ გვსურს ჩვენი მოთამაშეები პლეი-ოფს მწყობრში შეხვდნენ, ამ გადაწყვეტილებას უნდა დავეთანხმოთ. მიუხედავად იმისა, ვთამაშობ თუ ვისვენებ, როი ჰოჯსონის აზრსა და ყველა ქმედებას ძალიან დიდ პატივს ვცემ. რა თქმა უნდა, ყველა მოთამაშეს თამაში სურს, თუმცა რაც შემეხება მე, ორშაბათს მოედანზე სრულიად დასვენებული გამოვალ.

ეს ყველა ფეხბურთელისთვის ენერგიის შენახვის გენიალური შანსია. ვფიქრობ, მომდევნო ეტაპზე ეს ჩვენი ძალიან დიდი პლუსი იქნება.

მისთვის ეს რთული გადასაწყვეტი იყო, მაგრამ მან ექვსი მოთამაშე სკამზე დასვა. მე მხარს ვუჭერ მწვრთნელს და მის ყოველ გადაწყვეტილებას დიდ პატივს ვცემ.

ამ ტურნირმა უკვე არაერთი სიურპრიზი წარმოგვიდგინა. თუ ჩვენ წავალთ წინ, არაერთ ძლიერ გუნდთან თამაში მოგვიწევს. თუმცა, ახლა ისლანდიაზე კონცენტრაცია გვმართებს. ამჟამად სატურნირო ბადეში ვიმყოფებით, მომდევნო ეტაპზე კი გუნდები უფრო მჭიდროდ შეისწავლიან ერთმანეთს,"-განაცხადა ინგლისელმა

წყარო: Manutd One