ანტუან გრიზმანმა მის ირგვლივ არსებულ ჭორებს წერტილი დაუსვა, რამეთუ მადრიდის "ატლეტიკოსთან" შეთანხმება გაახანგრძლივა.

საფრანგეთის ნაკრების ფეხბურთელს ზაფხულში დიდძალი თანხის სანაცვლოდ "ატლეტიკოს" დატოვებას უწინასწარმეტყველებდნენ, მისით კი "მანჩესტერ იუნაიტედი" ინტერესდებოდა, თუმცა გრიზმანი ჩემპიონთა ლიგის ფინალისტთა რიგებში დარჩა.

ატლეტიკოს განცხადებაში ნათქვამია: "ანტუან გრიზმანმა ჩვენს კლუბთან 2021 წლის 30 ივნისამდე გაახლა. კონტრაქტი.

სხვათაშორის, ფრანგმა თავდამსხმელმა თავისი საკონტრაქტო ურთიერთობა "ატლეტიკო მადრიდთან" მხოლოდ ერთი სეზონით გაახანგრძლივა".

25 წლის ფეხბურთელი ჯერ კიდევ "რეალ სოსიედადის" რიგებში რეგულარულად იტანდა გოლებს, 2014 წელს "ვისენტე კალდერონზე" გადასვლის შემდეგ კი თანამედროვეობის ერთ-ერთ წამყვან ფორვარდად იქცა.

მადრიდელთა რიგებში გატარებულ პირველ სეზონში მან ყველა ტურნირზე 25 გოლი გაიტანა, ხოლო ბოლო სეზონში - 32.

ასეთმა შედეგებმა გრიზმანი "ჩელსისა" და "მანჩესტერ იუნაიტედის" მსგავსი კლუბების სატრანსფერო სამიზნედ აქცია, მაგრამ მაკონში დაბადებულმა ფორვარდმა ესპანეთის დედაქალაქის დატოვება არ ისურვა.

"ძალიან მოხარული და ბედნიერი ვარ, რომ ამ ოჯახსა და პროექტში ჩემი ყოფნა გრძელდება. ყოველ წელს ვცდილობ გავუმჯობესდე და კლუბი, მწვრთნელები და ჩემი თანაგუნდელები ამის საშუალებას მაძლევენ", - განაცხადა ფრანგმა.

თავდამსხმელმა, რომელიც ამჟამად საფრანგეთის ნაკრების რიგებში ევროპის ჩემპიონატზე ასპარეზობს, თავის სამომავლო მიზნებზეც ისაუბრა: "პირადად მე რაც შემეხება, უფრო მეტი გოლის გატანა, უფრო მეტი მატჩის ჩატარება, უფრო მეტი საგოლე გადაცემის გაკეთება მსურს... ჩემი მიზანი ყოველთვის ის არის, რომ წინა წელზე უკეთესი ვიყო.

გუნდური თვალსაზრისითაც იმასვე ვცდილობთ, რომ წინა წელზე უკეთ გამოვიყურებოდეთ".

წყარო: M.E.N.