თუკი "მანჩესტერ იუნაიტედი" ჰენრიხ მხითარიანის შეძენას ვერ მოახერხებს, მისი მომდევნო სატრანსფერო სამიზნე აარონ რემსი იქნება.

ჟოზე მოურინიო მზად არის, "არსენალს" 50 მლნ. ფუნტი გადაუხადოს უელსელ ნახევარმცველში.

25 წლის რემსი ამჟამად ევროპის ჩემპიონატზე იმყოფება, სადაც შესანიშნავ ფორმას აჩვენებს და მოურინიოს სურს, უელსის ნაკრების ერთ-ერთი ლიდერი თავის ახალ კლუბში იხილოს, თუმცა მხოლოდ იმ შემთხვევაში, თუკი დორტმუნდის "ბორუსიადან" 27 წლის მხითარიანის შეძენას ვერ შეძლებს.

რაც შეეხება "ბორუსიას" ფეხბურთელს, მის თაობაზე "წითლებმა" უკვე არაერთხელ გააკეთეს შეთავაზება რომელთაგან უკანასკნელი 28 მლნ. ფუნტის ოდენობისა იყო, მაგრამ გერმანულ კლუბს თავის ერთ-ერთ ლიდერთან განშორება არ სურს, რადგანაც კლუბმა უკვე დაკარგა ისეთი ფეხბურთელები, როგორებიც მატს ჰუმელსი და ილკაი გიუნდოგანი არიან.

თუ "ბორუსია" თავისას მიაღწევს და სომეხ ფეხბურთელს გუნდიდან არ გაუშვებს, "იუნაიტედი" "მეთოფეთა" ფეხბურთელის გადაბირებას ეცდება.

წყარო: the sun