გუშინ ღამით, ესპანეთის ეროვნულმა ნაკრებმა ევროპის ჩემპიონატის D ჯგუფის ბოლო შეხვედრა გამართა და ხორვატიის არცთუ ძლიერ გუნდთან 2-1 დამარცხდა.

"ფურია როხას" კარს, "მანჩესტერ იუნაიტედის" წლის საუკეთესო ფეხბურთელი დავიდ დე ხეა იცავდა და ხორვატების ორივე გოლი, მეტ-ნაკლებად მისი "დამსახურებაა". ამ წაგებით ესპანეთმა ჯგუფში მეორე ადგილი დაიკავა და მერვედფინალში იტალიის ნაკრებს დაუპირისპირდება, რაც არცთუ სასიამოვნო ამბავია დელ ბოსკეს გუნდისთვის.



მატჩის შემდგომ ინტერვიუში ესპანელთა მთავარმა მწვრთნელმა შეხვედრა შეაფასა და დავიდი დაიცვა:

"მას ბევრი საქმე არ ჰქონია, ვერანაირად დავადანაშაულებთ დავიდს გაშვებულ გოლებში.

პირველი გოლი კონტრ-შეტევის შემდეგ გავიდა, ხოლო მეორე პიკემ ჩაჭრა საკუთარ კარში. ყველას შეიძლება დაემართოს მსგავსი რამ, დამნაშავე მთელი გუნდია და არა ერთი კონკრეტული მოთამაშე."