საფრანგეთის ნაკრების ვარსკვლავი ანტუან გრიზმანი აცხადებს, რომ კლუბისა და ნაკრების რიგებში შვიდნომრიანი მაისურით იმიტომ თამაშობს, რომ "იუნაიტედის" ყოფილი ფეხბურთელის, დევიდ ბექჰემის გულშემატკივარია.

25 წლის გრიზმანი ევროპული ფეხბურთის ერთ-ერთი გამორჩეული თავდამსხმელია და მისი შედეგები მადრიდის "ატლეტიკოს" ჩემპიონთა ლიგის ფინალში გასვლაშიც დაეხმარა.

ფრანგი აცხადებს, რომ მის იმიჯსა და საფეხბურთო არჩევანზე დიდ გავლენას დევიდ ბექჰემი ახდენს.

"მისი დიდი გულშემატკივარი ვარ. მოედანზე ის კლასს აჩვენებდა, მის ფაგლებს გარეთ კი ყოველთვის მოწესრიგებული და კარგად ჩაცმული იყო.

მახსოვს, 2012 წლის ოლიმპიურ თამაშებზე, რომელიც ლონდონში ჩატარდა, ოლიმპიური ჩირაღდნით ხელში ნავში იმყოფებოდა და მისი თმა არც კი ირხეოდა!

თავიდან მეც ისეთივე ვარცხნილობა მინდოდა, მაგრამ მას ძალიან გრძელი თმა ჰქონდა და ჩემთვის მეტისმეტად დიდი ხანი იყო ექვსი თვე ლოდინი ჩემი თმის ზრდისთვის.

თავს საღებავებით ვიმშვიდებდი და თმის ფერის ხშირად შეცვლა მომწონს. გრძელმკლავიანი მაისური იმის გამო მაცვია, რომ ბექჰემსაც ასევე ეცვა, შვიდნომრიანი მაისურიც მის გამო შევარჩიე.

თუმცა, ისიც მართალია, რომ მას არ ვგავარ, მე მორცხვი ვარ, მაგრამ ამის გამოსწორებას ვცდილობ და ჩემი და მეხმარება", - განაცხადა "ატლეტიკოს" თავდამსხმელმა.

წყარო: M.E.N.