მარკუს რეშფორდი ხუთშაბათს ინგლისური ფეხბურთის ისტორიაში ყველაზე ახალგაზრდა მოთამაშე გახდა, რომელმაც ევროპის ჩემპიონატზე "სამ ლომთა" მაისურით ითამაშა.

"მანჩესტერ იუნაიტედის" თინეიჯერი შეხვედრის 73-ე წუთზე ჩაერთო მატჩში, რომელიც ინგლისელებმა ბოლო წუთებზე 2-1 მოიგეს. მარკუსი ამ დროს 18 წლისა და 228 დღის იყო - ოთხი დღით პატარა, ვიდრე მისი კლუბისა და ნაკრების კაპიტანი უეინ რუნი 2004 წელს, როცა მისი დებიუტი შედგა.

გარეთ ბეილის მიერ გატანილი ჯარიმის შემდეგ როი ჰოჯსონმა თავის გამოჩენის შანსი ჯეიმი ვარდის, დანიელ სტარიჯსა და რეშფორდს მისცა შეცვლაზე შეყვანის შედეგად. მართალია, პირველი ორისგან განსხვავებით მარკუსმა გოლით ვერ აღნიშნა თავისი შესვლა, მაგრამ რეშფორდისთვის დასამახსოვრებელი დღე გამოდგა.

მატჩის შემდეგ უეინ რუნიმ BBC-ს განუცხადა: "მოხარული იქნება. ჯერ ფეხბურთელები არ მინახავს, რადგან დოპინგ ტესტზე შემამოწმეს, მაგრამ, დარწმუნებული ვარ, მოხარული იქნება და მის გამო მეც მიხარია.

დღეს ვნახე, რომ 112 დღე გასულა მას შემდეგ, რაც "იუნაიტედში" მისი დებიუტი შედგა და ახლა უკვე ინგლისის ნაკრების რიგებში დიდ ტურნირზე თამაშობს. ეს დიდებული ისტორიაა და ყველანი მოხარულები ვართ".

წყარო: manutd.com