ხერარ პიკე "მანჩესტერ იუნაიტედში" გატარებულ დროს იხსენებს და "წითლების" ფეხბურთელებს "ნაბიჭვრებს" უწოდებს.

"ბარსელონას" ცენტრალური მცველი "ოლდ ტრაფორდზე" 2004 წელს 17 წლის ასაკში გადავიდა და ოთხი წლის შემდეგ კვლავ "ბარსელონაში" დაბრუნდა.

პიკეს ევროპის ჩემპიონატის დაწყებამდე ჰკითხეს, თუ როგორ ხდებოდა მის ნაკრებში ახალგაზრდა ფეხბურთელების მიღება, რაზეც უპასუხა:

"ადვილად ეგუებიან, ადრე რომ ხდებოდა, ისე აღარ არის.

როცა 17-18 წლის ვიყავი და მანჩესტერის პირველ გუნდში მოხვედრას ვცდილობდი, მაშინ უფრო რთული იყო, პირველი გუნდის ფეხბურთელები ნაბიჭვრები იყვნენ.

ახლა პატარა გახუმრებას ცდილობ და დანაშაულში გეთვლება. მახსოვს, ჟერარ დეულოფეუ რომ მოვიდა, სადილად დაჯდომას აპირებდა, მე სკამი გამოვუწიე და დაეცა, ამის გამო შენიშვნა მომცეს. მანჩესტერში კი ყოველდღე ასე გვექცეოდნენ!" - განაცხადა ესპანელმა.

წყარო: goal.com