ტიმოთი ფოსუ-მენსამ განმარტა, რომ მაისში ჰოლანდიის ნაკრებში ვერ მოხვედრის შემდეგ "მანჩესტერ იუნაიტედი" მის უმთავრეს პრიორიტეტად რჩება.

18 წლის მცველმა ამხანაგურ მატჩებში დენი ბლინდისგან ნაკრებში მიწვევა მიიღო, მაგრამ ფიზიკური პრობლემების გამო მისი სანაკრებო დებიუტი არ შედგა.

ფოსუ-მენსა დარწმუნებულია, რომ ჰოლანდიის რიგებში მომავალში კვლავ ითამაშებს, მანამდე კი "იუნაიტედში" უნდა დაიმკვიდროს ადგილი.

"საზარდულის ტრავმამ ბევრი პრობლემა გამოიწვია. ეროვნული ნაკრების მწვრთნელსა და ექიმს ამის შესახებ ვაცნობე. დასვენება მჭირდება. ახლა რომ ზედმეტად გადავიტვირთო, წინასასეზონო ტურნეზე ვეღარ ვითამაშებ. "მანჩესტერ იუნაიტედთან" ერთად ჩინეთში მივემგზავრები. ამისთვის მზად უნდა ვიყო. ხანგრძლივი მგზავრობა გველის და ბევრს ვივარჯიშებთ.

ჩემს ფიზიოთერაპევტს ორ კვირაში შევხვდები და ყველაფერს გავაკეთებთ იმისათვის, რომ დავრწმუნდეთ, სეზონის პირველი ვარჯიშისთვის მზად ვიქნები.

ეროვნული ნაკრების მწვრთნელმა მითხრა, რომ თვალს მადევნებს. ჯერ მხოლოდ 18 წლის ვარ. ჩემი დროც მოვა. ახლა "იუნაიტედზე" ვფიქრობ. ჰოლანდიის ნაკრებში გამოძახებით ბედნიერი ვარ და მწვრთნელი თვალს არ მომაშორებს", - განაცხადა ფოსუ-მენსამ.

წყარო: goal.com