"მანჩესტერ იუნაიტედის" ლეგენდები "კამპ ნოუზე" "ბარსელონას" ლეგენდებს 2 ივლისს შეხვდებიან.

"მანჩესტერ იუნაიტედის" გუნდში იქნებიან პოლ სქოულზი, ჯი-სუნ პარკი და კარელ პობორსკი, მათ დაემატება სამი მოთამაშე, რომელთაც 1999 წელს ჩემპიონთა ლიგის ფინალში "ბიაერნთან" ითამაშეს - ტედი შერინგემი, რონი იონსენი და იესპერ ბლომქვისტი. "ბარსელონას" ლეგენდათა შემადგენლობა კი უახლოეს დღეებში გამოცხადდება. ხოსე მარი ბაკერო, "ბარსელონას" ყოფილი კაპიტანი მთავარი მწვრთნელი იქნება.

გამომდინარე ლეგენდათა მატჩის ფორმატიდან, "ოლდ ტრაფორდი" ამ გუნდების საპასუხო შეხვედრას 2017 წლის 4 ივნისს უმასპინძლებს.

მატჩი "ბარსელონაში" თბილისის დროით 21:00 სთ-ზე ჩატარდება და "იუნაიტედის" ოფიციალური ტელევიზია პირდაპირ ეთერში გადასცემს.