მიუხედავად იმისა, რომ მედიის სხვადასხვა წარმომადგენლები უკვე იტყობინებიან, ჟოზე მოურინიომ "იუნაიტედთან" კონტრაქტი გააფორმაო, კლუბს ოფიციალური განცხადება ჯერ არ გაუკეთებია.

თუმცა, სანამ ჩვენ ოფიციალურ დასტურს ველოდებით, "იუნაიტედის" რამდენიმე ფეხბურთელი, მათ შორის, რიო ფერდინანდი, უკვე ზეიმობს მოურინიოს დანიშვნას, ისევე, როგორც თავად პორტუგალიელის კომერციული პარტნიორი "იაგუარი".

პრესტიჟული მანქანების მწარმოებელი კომპანია მოურინიოს შესახებ გავრცელებულ ჭორებს მწვანე შუქს უნთებს, რამეთუ მან უკვე მიულოცა მოურინიოს "იუნაიტედის" მთავარი მწვრთნელის პოსტზე დანიშვნა.

"ვულოცავთ ჟოზე მოურინიოს @ManUtd დანიშვნას. ის ყოველთვის #TheFrozenOne (გაყინული) იქნება ჩვენთვის", დაწერა კომპანიამ "თვითერზე".

წყარო: goal.com