ენტონი მარსიალმა "მანჩესტერ იუნაიტედში" გატარებული პერიოდის განმავლობაში არაერთი დიდებული გოლი გაიტანა, "სტოკ სიტის" კარში გატანილი მისი გოლი პრემიერ ლიგის 2015/16 წლების სეზონის საუკეთესო გოლად დაასახელეს "თვითერის" მომხმარებლებმა.

ფრანგის მიერ "მეთუნუქეების" კარში გატანილი ბურთი მიმდინარე კვირაში Twitter Goal Cup-ის ტურნირში შვიდ სხვა კანდიდატთან ერთად იღებდა გამოკითხვაში მონაწილეობას. პრემიერ ლიგის ოფიციალურ გვერდზე პლეი-ოფის სტილში ჩატარდა ტურნირი და ხმის მიცემით უნდა გადაწყვეტილიყო, რომელი ფეხბურთელის მიერ გატანილი გოლი გამოეთიშებოდა გათამაშებას.

მას შემდეგ, რაც "ტოტენჰემის" ფეხბურთელს დელე ალისა ("კრისტალ პალასთან") და "ჩელსის" ფეხბურთელს ედენ აზარს ("ტოტენჰემთან") აჯობა, მარსიალი ფინალურ ეტაპზე კრისტიან ბენტეკეს მიერ "ოლდ ტრაფორდზე" გატანილ გოლს დაუპირისპირდა და ხმების 57.6% მიიღო.

ეს არ არის პირველი შემთხვევა, როცა მარსიალის მიერ გატანილი გოლი თვალს გჭრის. მის სადებიუტო შეხვედრაში მან "ლივერპულს" შესანიშნავი სოლო რეიდის შემდეგ გაუტანა გოლი, რაც "იუნაიტედის" სეზონის საუკეთესო გოლად დაასახელეს.

უკვე ზედიზედ ორი წელია, რაც Twitter Goal Cup-ს "იუნაიტედის" ფეხბურთელი იგებს. შარშან ასეთი ანხელ დი მარია აღმოჩნდა.



წყარო: manutd.com