"მანჩესტერ იუნაიტედის" მცველი დეილი ბლინდი ფიქრობს, რომ ლუი ვან გაალს "ოლდ ტრაფორდზე" გატარებული კარიერის განმავლობაში უსამართლოდ ექცეოდნენ და მას მწვრთნელის შენარჩუნება სურდა.

"მასთან ერთად ყოველთვის კარგად ვმუშაობდი და ასე გაგრძელებას ვამჯობინებდი. როცა ინგლისის დიდ კლუბში მიდიხარ, ყოველთვის ზეწოლას განიცდი, მაგრამ მას ბოლო ექვსი თვის განმავლობაში სამართლიანად არ ექცეოდნენ. ვფიქრობ, ვან გაალმა იმდენს მიაღწია, რომ უფრო მეტ პატივისცემას იმსახურებდა.

მიუხედავად მთელი კრიტიკისა, ის ფეხბურთელებს ყოველთვის იცავდა. ამის გამო გუნდი ყოველთვის მისი მადლიერი იყო.

ადვილი არ არის მწვრთნელისთვის, როცა 82-ჯერ გააძევებებს მედია. მაგრამ ერთმანეთისა და მწვრთნელის ყოველთვის გვჯეროდა, ინგლისის თასი კი ამის მშვენიერი ჯილდოა.

ყველაფერს გულშემატკივრებისთვის, მწვრთნელისა და მოთამაშეებისთვის ვაკეთებდით. ყველა ყველასთვის, ეს სეზონის კარგი დასასრული იყო", - განაცხადა დეილი ბლინდმა.

წყარო: goal.com