უეინ რუნი თვლის, რომ "მანჩესტერ იუნაიტედის" მთავარი მწვრთნელის ლუი ვან გაალის მომავლის შესახებ ინგლისის თასის მოგებისთანავე საუბარი უსამართლობაა.

ცნობილმა გამოცემებმა BBC-მ და Skysports-მა განაცხადეს, რომ ჟოზე მოურინიო უახლოეს დღეებში ლუი ვან გაალს "იუნაიტედის" მთავარი მწვრთნელის პოსტზე შეცვლის.

ამ ფაქტის შესახებ უეინ რუნიმაც გამოხატა თავისი აზრი და განაცხადა, რომ ყველაფერი ედ ვუდვორდმა უნდა გადაწყვიტოს.

"მე არაფერი ვიცი. ეს საკითხი ლუი ვან გაალმა ან ედ ვუდვორდმა უნდა გადაწყვიტონ. მე არაფერი მესაქმება.

არ მინდა ლუი ვან გაალის სამუშაოზე საუბარი, რადგან ის ჯერ კიდევ ჩვენი მწვრთნელია და სამუშაოზე იმყოფება.

ვფიქრობ, უსამართლობაა, რომ ინგლისის თასის მოგების შემდეგ მასზე ისე ვსაუბრობთ, თითქოს აქ არ იმყოფებოდეს.

ის კარგი მწვრთნელია და მოხარულები ვართ, როიმ ინგლისის თასი მოგვაგებინა. მისი და ედ ვუდვორდის საქმეა ყველაფრის გადაწყვეტა".

წყარო: goal.com