თუ ხამეს როდრიგესი მადრიდის "რეალს" დატოვებს, მომდევნო სეზონში "მანჩესტერ იუნაიტედში" ითამაშებს - იტყობინება ესპანურ გრანდთან დაკავშირებული ESPN FC-ს წყარო.

2014 წლის მსოფლიო ჩემპიონატის შემდეგ "ბერნაბეუზე" გადასვლისა და წარმატებული პირველი სეზონის ჩატარების შემდეგ კოლუმბიელმა ნახევარმცველმა არაერთი ტრავმა მიიღო და მიმდინარე სეზონში გუნდის ბევრი თამაში გამოტოვა, ჩემპიონთა ლიგის ფინალისტები კი მის გაყიდვას აპირებენ.

მიუხედავად იმისა, რომ ზინედინ ზიდანს ხამესი მოსწონს როგორც ფეხბურთელი, ტაქტიკურ სქემაში 4-3-3 მის ადგილს ვერ ხედავს.

თუ ხამესი ესპანეთს დატოვებს, "მანჩესტერ იუნაიტედში" გადავა.

თუმცაღა, "ოლდ ტრაფორდზე" მიმდინარე სატრანსფერო მოვლენები მწვრთნელთან დაკავშირებული მომავლის გამო ბუნდოვანია. მიუხედავად იმისა, რომ მრავალი წყაროს ცნობით ჟოზე მოურინიომ ლუი ვან გაალი ინგლისის თასის შემდეგ უნდა შეცვალოს, ჯერ არავითარი შეთანხმება მიღწეული არ არის.

მაგრამ "იუნაიტედისა" და მოურინიოს წარმომადგენლებს შორის შედგა საუბარი, რომლის დროსაც გადაწყდა, რომ სატრანსფერო საკითხებში უკანასკნელი სიტყვა პორტუგალიელს უნდა ეკუთვნოდეს.

წყარო: espn