14-05-2016, 13:00

ავტორი: RojoDiablo,

ნანახია: 3057,

კომენტარები: 16

რატომ შეხვდა პოჩეტინო ფერგიუსონს

მაურისიო პოჩეტინომ სიმართლე აღიარა.

მაურისიო პოჩეტინომ განაცხადა, რომ მისთვის ოცნების ახდენას ჰგავდა სერ ალექს ფერგიუსონთან ერთად სადილის მირთმევა.

"ტოტენჰემის" მთავარი მწვრთნელი, რომელმაც ახალი 5-წლიანი კონტრაქტი გააფორმა "დეზებთან", სამშაბათს ლონდონის ცენტრში ერთ-ერთ რესტორანში ფერგიუსონთან ერთად შენიშნეს, რომელიც თავის მხრივ დედაქალქში ჩავიდა "ვესტ ჰემისა" და "იუნაიტედის" მატჩზე დასასწრებად.

რა თქმა უნდა, ამ შეხვედრის შემდეგ არაერთი შეკითხვა გაჩნდა იმის შესახებ, თუ რის შესახებ ისაუბრეს არგენტინელმა და შოტლანდიელმა. ამ შეკითხვებს შორის კი ყველაზე მეტი პოპულარობით "ოლდ ტრაფორდზე" მაურისიოს შესაძლო მოსვლის ალბათობა სარგებლობდა.

თუმცა პოჩეტინომ უკვე გააფორმა ახალი კონტრაქტი და ლუი ვან გაალის შემცვლელად აღარ ითვლება, რაც შეეხება შეხვედრას, არგენტინელმა ამის შესახებ განაცხადა:

"ფანტასტიკური იყო. ახალგაზრდობაში და ჩემი კარიერის დასაწყისში ფერგიუსონი ჩემი შთაგონება, მოტივაცია იყო. და როცა საშუალება გაქვს, ორი საათი გაატარო ადამიანთან ერთად, რომელიც მსოფლიოში ერთ-ერთი უდიდესი მწვრთნელია, ამით უნდა ისიამოვნო.

მინდოდა დრო გაჩერებულიყო, მაგრამ, რა თქმა უნდა, ეს შეუძლებელია. ფანტასტიკური იყო.

მითხრა თუ არა, მოდი მანჩესტერშიო? არა, არ უთქვამს.

სერ ალექს ფერგიუსონს თუ არ იცნობთ, გეტყვით, რომ ის არის ადამიანი, რომლისგანაც ბევრი რამის სწავლა შეიძლება, რადგანაც ფეხბურთში, ცხოვრებაში ფანტასტიკური ისტორია შექმნა".

"უაით ჰართ ლეინზე" დარჩენის გადაწყვეტილების შემდეგ პოჩეტინომ განაცხადა, რომ ფერგიუსონის ფაქტორმაც კი ვერ შეაცვლევინა აზრი.

"სერ ალექს ფერგიუსონი განსაკუთრებული ადამიანია. "მანჩესტერ იუნაიტედში" მან თავისი ეპოქა შექმნა.

მაგრამ, მჯერა, ჩვენც განსაკუთრებულები ვართ და აქაც შეგვიძლია მსგავსი რამის შექმნა".

წყარო: M.E.N.

ინტერვიუები

16 კომენტარი

№11

ავტორი: JuanMata

14 მაი 2016 15:15

სიახლეები: 16
კომენტარები: 2093

ეპლში ძაან იზრდება კონკურენცია, სიტი და ჩელსი მომავალ წელს სერიოზული ძალა იქნება, ლივერპულს აშკარა პროგრესი აქვს და ამ ზაფხულს თუ გაძლიერდა სიტის და ჩელსის ნაღდად არ ჩამორჩება, + ლესტერი და ტოტენჰემი, ვესტ ჰემიც აპირებს ფულის დახარჯვას.

რისი იმედი აქვს ნეტა ვუდვორდს, ამ წელს ძაან მაგარი შანსი ჰქონდა მინიმუმ 4-ეულში მოხვედრის, ყველა ტოპ გუნდმა ცუდი სეზონი ჩაატარა და ახლა ვერ ქნეს და მომავალ წელს ჩემ ფეხებს იზამს ლუი.

№12

ავტორი: hemi

14 მაი 2016 16:48

სიახლეები: 0
კომენტარები: 738

მოკლედ ეპლში მალე ისეთი ამბები იქნები ძაღლი პატრონს ვერ გაარჩევს და დღოზე თუ არ ვუშველეთ გუნდს მილანის ბედი არ აგვცდება, ნუ ახლაც ეგეთ დღეში ვართ ისე რაღა უმდა აგვცდეს

№13

ავტორი: GeorgeBest

14 მაი 2016 18:46

სიახლეები: 1729
კომენტარები: 12134

ერთ-ერთი უდიდესი არა, საუკეთესო მწვრთნელია ბრად winked

ძაან მევასება ამის ტოტენჰემი, ლესტერი უფრო მეტად იმსახურებდა თუმცა ამათ წინ აქვთ ყველაფერი თუ მოახერხეს და გუნდი შეინარჩუნეს

№14

ავტორი: RojoDiablo

14 მაი 2016 22:30

სიახლეები: 7071
კომენტარები: 8687

რაც უნდა მოხდეს, წელს პრემიერ ლიგა გვექნება ნამდვილად გიჟური. ერთბაშად ამდენი ცვლილება მე არ მახსოვს და ერთი ჩვენ და არსენალი ვხვდებით ისევ ძველი კადრებით, მგონი

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№15

ავტორი: deqstera

14 მაი 2016 22:47

სიახლეები: 0
კომენტარები: 418

Tottenhemis mtavari pliusi is aris rom dzalian axalgazrduli gundia da yvelaprogresirebs...
Lorisi(29)
Woker(25)-rose(25)-alderveideri(27)-vertongen(29)-diet(22)-davies(23)
Dembele(28)-eriqsen(24)-Ali(20)-chadli(26)-mason(24)-Carroll(24)
Pamela(24)-kein(22)

№16

ავტორი: stepno

16 მაი 2016 10:21