"მანჩესტერ იუნაიტედმა" შაბათს გამართულ მატჩში შეძლო "ნორვიჩის" დამარცხება, შედეგად ისინი განაგრძობენ ბრძოლას ოთხეულში მოსახვედრად. თუმცა პოლ სქოულზი აცხდებს, რომ თუ კლუბის ხელმძღვანელობა კიდევ ერთ წელს მისცემს ვან გაალს, მომდევნო სეზონში ისინი შესაძლოა "ლივერპულსა" და "ჩელსიზე" ქვემოთ აღმოჩნდნენ.



"არა, მე ასე არ ვფიქრობ" - პასუხობს სქოულზი BT Sport-თან, კითხვაზე შეძლებს თუ არა ვან გაალი მომდევნო სეზონში პრემიერ ლიგის მოგებას.

"მეტიც, შესაძლოა ისინი მომდევნო სეზონში უფრო დაქვეითდნენ ცხრილში, რადგან ვხედავთ, რომ "ლივერპულმა" მკვეთრად გააუმჯობესა თამაშის ხარისხი, ხოლო "სიტიმ" და "ჩელსიმ" ახალი მწვრთნელები იპოვეს გვარდიოლასა და კონტეს სახით, რომლებიც მოსვლასთან ერთად საკუთარი გუნდის თამაშის ხარისხსაც გააუმჯობესებენ."

"იუნაიტედს" კვლავ რჩება შანსები, რომ ევროპის ყველაზე პრესტიჟულ ტურნირზე შეძლოს თამაში. აღსანიშნავია, რომ კლუბი მომდევნო შეხვედრას "ბოლეინ გრაუნდზე" "ვესტ ჰემთან" გამართავს, რომლის შედეგიც ბევრ რამეს გადაწყვეტს "იუნაიტედისთვის".

squawka.com