ჯესი ლინგარდს მიაჩნია, რომ ანდერ ერერა და უეინ რუნი "ნორვიჩ სიტისთან" "მანჩესტერ იუნაიტედის" გამარჯვებაში შეტანილი წვლილის გამო შექებას იმსახურებენ.

ხუან მატამ შეხვედრის ერთადერთი და შესაბამისად გამარჯვების გოლი გაიტანა, მაგრამ ლინგარდი თვლის, რომ გამარჯვებაში წვლილი შეიტანა ანდერ ერერამაც, რომელმაც შემადგენლობაში ტრავმირებული ენტონი მარსიალის ადგილი დაიკავა, ხოლო უეინ რუნიმ, თავდამსხმელის პოზიციაზე ითამაშა.

"გახურებისას ენტონის ტრავმის გამო შეტევაში უაზა დავაყენეთ და მან კარგად ითამაშა. სასარგებლო იყო და კარგი საგოლე გადაცემაც გააკეთა.

როცა ფეხბურთელი გუნდში ხშირად ვერ ხვდება, წესით უნდა გაუჭირდეს, მაგრამ ანდერი შემოვიდა და ნახევარდაცვაში ენერგია შეგვმატა", - განაცხადა ინგლისელმა.

ლინგარდს მიაჩნია, რომ აღმოსავლეთ ანგლიაში არსებულმა მაღალმა ტემპერატურამ "იუნაიტედის" ფეხბურთელებს გადარჩენისთვის მებრძოლი "ნორვიჩის" წინააღმდეგ ბრძოლაში ხელი შეუშალა.

"რთულ პირობებში ვიმყოფებოდით- სველი მოედანი, ბრძოლა და სიცხე. ასეთ ამინდში თამაშს შეჩვეულები არ ვართ, მაგრამ უნდა შევეგუოთ მომდევნო რამდენიმე კვირაში - უმნიშვნელოვანეს რამდენიმე კვირაში.

ვფიქრობ, კარგად შევეგუეთ. გრძელ პასებს ვიყენებდით იმის გამო, რომ დაცვაში ღრმად ჩავიდნენ. ამან საქმე გაგვირთულა, მაგრამ მაინც გამოვნახეთ პრობლემის გადაჭრის საშუალება. მათგან უფრო მეტ ზეწოლას ველოდი, მაგრამ თამაშის ნებას გვაძლევდნენ, გვქონდა ბურთით მოქმედებისათვის საჭირო დრო.

წინა კვირას "ლესტერთან" მატჩისგან უფრო მეტი უნდა მიგვეღო, ასე რომ, "ნორვიჩთან" მოგება კარგი იყო".

წყარო: manutd.com