ლუი ვან გაალი ფიქრობს, რომ უეინ რუნი "ნორვიჩ სიტისთან" თავდამსხმელის პოზიციაზე თამაშით ბედნიერი არ ყოფილა.

"მანჩესტერ იუნაიტედის" კაპიტანმა ენტონი მარსიალის ტრავმისა და მარკუს რეშფორდის არყოფნის ფონზე ცენტრალური ფორვარდის როლი მოირგო.

მიუხედავად იმისა, რომ რუნიმ გოლი ვერ გაიტანა, მან მაინც გადამწყვეტი როლი ითამაშა "წითლების" გამარჯვებაში, რამეთუ შეხვედრის ერთადერთი გოლის ავტორს, ხუან მატას საგოლე გადაცემა გაუკეთა.

"არა მგონია, ძალიან ბედნიერი ყოფილიყო იმით, რომ თავდამსხმელად ვათამაშე. მაგრამ იანუზაის ვერ ვათამაშებდი, რადგანაც გუშინ 45 წუთი მეორე გუნდის რიგებში გაატარა. რუნის ათიანის პოზიციაზე ურჩევნია თამაში", - განაცხადა ჰოლანდიელმა სპეციალისტმა.

წყარო: goal.com