ლუი ვან გაალს მიაჩნია, რომ "მანჩესტერ იუნაიტედს" ჯერ კიდევ აქვს პრემიერ ლიგის ოთხეულში მოხვედრის შანსი, თუმცა აცნობიერებს, რომ ეს რთული იქნება. "ლესტერთან" ნათამაშები ფრის შემდეგ მან მნიშვნელოვან თემებზე ისაუბრა.

მატჩის მიმოხილვა

"უფრო მეტს ვიმსახურებდით, უკეთესი გუნდი ვიყავით, მაგრამ ვერ გავიტანეთ. ვფიქრობ, სეზონის ერთ-ერთი საუკეთესო მატჩი ჩავატარეთ და ეს იმითაც მტკიცდება, რომ გულშემატკივარი ფრეს ტაშს უკრავდა. ჩვეულებრივ, ისინი ფრეს არ ხვდებიან ოვაციებით, მაგრამ შეხვდნენ, რადგან ამაღელვებელი თამაში იყო".

ხელიდან გაშვებული შესაძლებლობა

"ჩემი აზრით, ძალიან კარგად ორგანიზებულნი იყვნენ და ამის მიუხედავადაც კი შევქმენით ბევრი შანსი პირველ ტაიმში, ისევე, როგორც მეორეში. მაგრამ შესრულება უნდა შეგეძლოს და ბოლო პასიც კარგი უნდა იყოს. ასევე სტანდარტულების დროს, წინასწარ ვიცოდით, რომ რთული იქნებოდა მათი შეჩერება და სტანდარტულებს მაქსიმალურად ვერიდებოდით. მაგრამ ძალიან კარგი გუნდი იხილეთ და იმიტომაც უკრავდნენ გულშემატკივები ტაშს, რომ დიდებული მატჩი იყო".

ვიდეოგამეორებები მსაჯებს დაეხმარება

"გასულ კვირას უკვე ვთქვი და 30 წლის განმავლობაში ვამბობ, რომ ვიდეო მსაჯები გვჭირდება თუმცა მაშინაც კი, როცა მემფისის ვიდეო რომ გენახა, მაგალითად, ვერ მიხვდებოდი, საჯარიმოში იყო თუ არა წაქცევა. მაგრამ ფელაინის წინააღდეგ ჰუტის ეპიზოდში პენალტი დავინახე, როცა მას თმას ექაჩებოდა და ეს ჯარიმა იყო. პენალტი იყო, ფელაინიმ კი ადამიანური რეაქცია გამოავლინა. ასევე წითელი ბარათიც შეიძლებოდა ყოფილიყო, როცა სიმპსონმა ლინგარდზე ითამაშა. წარმომიდგენია, რატომ არ დაუსტვინა, უხეში ჯარიმა არ იყო, მაგრამ წააქცია და დანიშვნა შეიძლებოდა".

ოთხეული ჯერ კიდევ შესაძლებელია

"დიდი დარტყმაა და გაგვიჭირდება. "მანჩესტერ სიტისა" და "საუთჰემპტონის" მატჩის შედეგზეც არის დამოკიდებული, მაგრამ როგორც ვთქვი, ყველა მატჩი უნდა მოვიგოთ, რადგან ჩამორჩენა უნდა შევამციროთ. ახლა "მანჩესტერ სიტიზე" უფრო ნაკლები ზეწოლაა, ვიდრე "ლესტერთან" ჩვენი მატჩის წინ იყო".

წყარო: manutd.com