1973 წელს, ზუსტად ამ დღეს (28 მაისი) ფეხბურთის ლეგენდამ, სერ ბობი ჩარლტონმა თავისი 758-ე ანუ ბოლო მატჩი ჩაატარა "მანჩესტერ იუნაიტედის" რიგებში.

1972-73 წლების სეზონში "წითლები" "სტემფორდ ბრიჯზე" "ჩელსის" დაუპირისპირდნენ, სერ ბობიმ კი მოედანზე უკანასკნელად დააბიჯა ფეხბურთელის სტატუსით. იმ წელს ჩემპიონატში 22 გუნდი იღებდა მონაწილეობას, "იუნაიტედი" კი მე-18 ადგილზე გავიდა. 35 წლის ფეხბურთელი კლუბის საუკეთესო ბომბარდირი გახდა პირველ დივიზიონსა და ყველა ტურნირზე გატანილი გოლების რაოდენობით.

"ჩელსის" მდივანმა კენ მირსმა ინგლისის ხატოვანი ფეხბურთელი მატჩის დაწყებამდე ყუთში ჩადებული ვერცხლის სიგარით დააჯილდოვა, რასაც ორივე გუნდის გულშემატკივართა ოვაციები დაერთო მსოფლიო ჩემპიონისთვის მადლობის გადასახდელად. სერ ბობის გარკვეული კავშირი აქვს დასავლეთ ლონდონურ გუნდთან, რამეთუ ეროვნულ ნაკრებში თამაშამდე მას არაერთხელ უვარჯიშია "ჩელსის" მოედანზე.

ჩარლტონი "წითლებს" ზღაპრულ მატჩში კაპიტნობდა - "ჩელსიმ" 1-0 იმარჯვა პიტერ ოსგუდის გოლით - და საფინალო სასტვენი დიდებულად ჟღერადი იყო "იუნაიტედის" ლეგენდისთვის, მთელი სტადიონი მას ხმამაღლა უმღეროდა. სერ ბობიმ კი თავის მხრივ მაყურებლებს განუცხადა: "სიამოვნებით ვითამაშებდი კიდევ 10 წლით, მაგრამ ეს შეუძლებელია, ვიცი. თამაში მომენატრება, მაგრამ ვარჯიში ნამდვილად არა!".



წყარო: manutd.com