ჟოზე მოურინიო აცხადებს, რომ გარანტიას იძლევა, ზაფხულში აუცილებლად დაუბრუნდება მწვრთნელის საქმიანობას.

პორტუგალიელი სპეციალისტი დეკემბრის შემდეგ უმუშევარია. 53 წლის მწვრთნელის ბოლო სამუშაო ადგილი ლონდონის "ჩელსი" იყო, მისი დატოვების შემდეგ კი მოურინიოს სახელს აქტიურად უკავშირებენ "მანჩესტერ იუნაიტედსა" და მადრიდის "რეალს".

"შემიძლია, თითქმის გარანტია მოგცეთ, რომ სამუშაოს ზაფხულში დავუბრუნდები. მაგიდაზე კარგი შემოთავაზებები მაქვს.

მხოლოდ დაფიქრება, კარგ გადაწყვეტილებამდე მისვლა და მისი განხორციელება დარჩა. ზაფხულში, ამ სეზონის ბოლოს, ყველას ეცოდინება ჩემი მომდევნო კლუბის სახელი", - განაცხადა მოურინიომ.

თუმცა ჟოზეს არ დაუსახელებია, კონკრეტულად ვისგან აქვს შეთავაზება, მაგრამ იცის, როგორ კლუბში იმუშავებს.

"ერთი რამ ნათელია, მე არ ვიმუშავებ "ეშტორილში" ან "პაკუშში", რადგანაც მათ შესანიშნავი სეზონი აქვთ და მწვრთნელს არ გამოიცვლიან.

ჩემს იდეებს იქ მივიტან, სადაც ის სჭირდებათ. მინდა იქ ვიყო, სადაც ვჭირდები.

ჩემი ენერგიის აღდგენაზე დახარჯული რამდენიმე თვის შემდეგ, მზად ვარ, გავიღო ყველაფერი, რაც უნდა გავიღო.

მინდა ვიმუშაო კლუბში, რომელსაც პატივს სცემენ, რთულ ჩემპიონატში, სადაც არ არიან სუსტი ობიექტები. ეს კი ბევრ არჩევანს არ მიტოვებს".

წყარო: goal.com