უეინ რუნი აღნიშნავს, რომ მზად არის, ინგლისის ნაკრების სასტარტო შემადგენლობაში მოსახვედრად იბრძოლოს.

გერმანიის ნაკრებთან მოპოვებული გამარჯვების შემდეგ, რომელშიც წვლილი შეიტანეს ჰარი კეინმა, დელე ალიმ და ჯეიმი ვარდიმ, ითვლება, რომ რუნის პოზიცია როი ჰოჯსონის გუნდში შეირყა.

მაგრამ "მანჩესტერ იუნაიტედის" კაპიტანი აცხადებს, რომ კონკურენცია არ აშინებს.

"ჩემი კარიერის მანძილზე, "მანჩესტერ იუნაიტედშიც" და ინგლისშიც, არასდროს ჩამითვლია, რომ ადგილი გარანტირებული მქონდა. უბრალოდ, ყველას სურს თამაში, შესანიშნავია, რომ კონკურენცია გვაქვს, თუმცა ყოველთვის გვქონდა, დონე, რომელიც ჩვენთან არის - ამაღელვებელია.

ვეღარ ვითმენ მოედანზე გასვლას და ბიჭებთან დაბრუნებას. ეს აღმაფრთოვანებს.

პირველ ყოვლისა მინდა, რომ ინგლისი იყოს წარმატებული და ტიტულები მოიგოს, დიდებულია, რომ მეც ამის ნაწილი ვარ, ზაფხულში კარგად ასპარეზობის შანსი გვაქვს.

ვფიქრობ, წინა ტურნირებზე, როცა ყველა ასე თუ ისე ჯანმრთელი იყო, გუნდიც შემდგარი იყო, მაგრამ ახლა არავინ იცის, რა მოხდება. მწვრთნელს ჩვენგან სამი სხვადასხვა გუნდის შედგენა შეუძლია, დიდი არჩევანი აქვს", - განაცხადა "სამ ლომთა" კაპიტანმა.

წყარო: goal.com