"მანჩესტერ იუნაიტედმა" კიდევ უფრო მეტი საფუძველი გააჩინა იმისთვის, რომ ვივარაუდოთ, ლუი ვან გაალი "ოლდ ტრაფორდს" სეზონის ბოლოს დატოვებს- ჩინეთში გასამართი ტურნეს ვიდეოში ჰოლანდიელი სპეციალისტი არ ფიგურირებს.

ოთხშაბათს "იუნაიტედმა" გამოაცხადა, რომ მომდევნო სეზონისთვის მზადების პროცესში დორტმუნდის "ბორუსიასა" და "მანჩესტერ სიტის" წინასასეზონო ტურნეს მსვლელობისას დაუპირისპირდება.

"წითელი ეშმაკები" მიმდინარე სეზონში ჩემპიონთა ლიგას ჯგუფური ეტაპიდან გამოეთიშნენ, პრემიერ ლიგის ოთხეულში მოხვედრა კი უჭირთ, რის გამოც გავრცელდა ჭორები, რომ ლუი ვან გაალს მომავალი სეზონიდან რაიან გიგზი ან ჟოზე მოურინიო ჩაანაცვლებს. "იუნაიტედის" მიერ მომზადებული რეკლამა კი ამის საფუძველს იძლევა.

2016 წლის წინასასეზონო ტურნეს ვიდეოში ნაჩვენებია რამდენიმე ფეხბურთელი: მემფის დეპაი, ლუკ შოუ, მორგან შნეიდერლინი, უეინ რუნი, ხუან მატა, დავიდ დე ხეა, ბასტიან შვაინშტაიგერი, ენტონი მარსიალი, მარკუს რეშფორდი, გილერმო ვარელა, ჯესი ლინგარდი, კრის სმოლინგი, ეშლი იანგი და ანდერ ერერა, მაგრამ ლუი ვან გაალი ვიდეოში საერთოდ არ ფიგურირებს.

2015 წელს ვან გაალი ტურნეს მთავარი მოქმედი პირი იყო:





მაგრამ 2016 წლის ტურნეს ვიდეოში მისთვის ადგილი არ მოიძებნა:



წყარო: M.E.N.