UEFA-მ ბრალდება წაუყენა "მანჩესტერ იუნაიტედსა" და "ლივერპულს" ევროპის ლიგის მატჩში მომხდარი არეულობის გამო.

"იუნაიტედს" ბრალი ედება ტრიბუნაზე უწესრიგობაში, საგნების სროლასა და სექტორებს შორის გასასვლელის ბლოკირებაში. ხოლო "ლივერპულს" ბრალდება წაყენებული აქვს აკრძალული სკანდირების, ფაერების გამოყენების, ნივთების სროლის, ტრიბუნაზე უწესრიგობის გამოწვევისა და მატჩზე დაგვიანების მიზეზით.

დიდი მანჩესტერის პოლიციამ უკვე დააპატიმრა მატჩზე დამსწრე ხუთი გულშემატკივარი.

ინციდენტი გამოიწვია "ლივერპულის" გულშემატკივართა ასვლამ აღმოსავლეთ ტრიბუნაზე, სადაც "იუნაიტედის" ფანები იმყოფებოდნენ და იქ კლუბის დროშის გაშლამ. ქვედა სექტორი კი ამ დროს სკანდირებდა მიუხენის ტრაგედიაში 1958 წელს გარდაცვალებულთა შეურაცხმყოფელ სიტყვებს.

გარდა ამისა, "თვითერზე" მიუნხენის ტრაგედიისადმი შეურაცხმყოფელი შეტყობინება გაავრცელა "ლივერპულის" აღზრდილმა ჯორდან უილიამსმა, რის გამოც მერსესაიდული კლუბი გამოძიებას აწარმოებს.



20 წლის ფეხბურთელმა "თვითერზე" განათავსა ვიდეო, რომელიც "ლივერპულის" გულშემატკივართა ზეიმს ასახავდა, მას კი თვითმფრინავისა და აპლოდისმენტების ნიშანი დაურთო.

გარკვეული რეაქციის შემდეგ უილიამსა ბოდიში მოიხადა და წაშალა "თვითი", მოგვიანებით კი ბოდიში მოიახადა და განაცხადა, რომ მისი აქაუნთი გატეხეს.

წყარო: dailymail