დავიდ დე ხეას მიაჩნია, რომ დღეს "მანჩესტერ იუნაიტედს" "ლივერპულთან" შეუსრულებელი მისია სულაც არ აკისრია.

ესპანელი მეკარე მიმდინარე სეზონშიც ისევე კარგად ასპარეზობს, როგორც წინა ორში, "ენფილდზე" გამართულ უახლოეს შეხვედრაში კი მისი დახმარებით "იუნაიტედმა" მხოლოდ 2-0 წააგო.

როგორც მოსალოდნელია, დავიდი დღევანდელ შეხვედრასაც სასტარტო შემადგენლობაში დაიწყებს, მატჩის წინ კი მან განაცხადა: "იუნაიტედის" შემთხვევაში ყველაფერი შესაძლებელია. ეს ამ გუნდის ერთ-ერთი საუკეთესო თვისებაა, ჩვენ ყოველთვის გვჯერა და ბოლომდე ვიბრძვით. გვჯერა საკუთარი თავის და გვჯერა მომდევნო რაუნდში გასვლის.

გასულ კვირაში ჩვენი საუკეთესო მატჩი არ ჩაგვიტარებია, ეს ნათელია და მათ ბევრი მომენტი ჰქონდათ, ბურთსაც მეტად ფლობდნენ. მაგრამ ახლა სახლში ყველაფრის გამოსწორების შანსი გვაქვს. ყველაფერში უნდა გავუმჯობესდეთ - დაცვა და შეტევა. ბოლომდე უნდა ვიბრძოლოთ, ვიყოთ აგრესიულები და ვაჩვენოთ სწრაფვა. უნდა ვაჩვენოთ, რატომ ვართ "მანჩესტერ იუნაიტედი".

ჩვენ გვაქვს რწმენა და ჩვენ გვაქვს უნარი, ჩვენს გულშემატკივარს, რომელიც ნებისმიერ შემთხვევაში გვიჭერს მხარს, განსაკუთრებული საღამო უნდა ვუძღვნათ".

წყარო: manutd.com