მარკუს რეშფორდმა "მანჩესტერ იუნაიტედში" სადებიუტო მატჩი ჩაატარა და დაამხო რეკორდი, რომელიც 51 წლის განმავლობაში გრძელდებოდა.

18 წლის ფეხბურთელმა დუბლი შეასრულა "იუნაიტედის" მაისურით და მის გუნდს "მიდტიულანდთან" გამარჯვების მოპოვებაში დაეხმარა.

"მანჩესტერ იუნაიტედი" ევროპის ლიგის მერვედფინალში ითამაშებს, მარკუს რეშფორდი კი ისტორიაში შევიდა, როგორც ყველაზე ახალგაზრდა ფეხბურთელი, რომელმაც "წითელი ეშმაკების" მაისურით ევროტურნირზე გოლი გაიტანა.

ასეთი რეკორდი ჯორჯ ბესტს ეკუთვნოდა, რომელმაც 1964 წლის ოქტომბერში "დიურგარდენს" 18 წლისა და 158 დღის ასაკში გაუტანა გოლი. რეშფორდი კი 18 წლისა და 117 დღის იყო, როცა ხუთშაბათს "ოლდ ტრაფორდზე" დანიური კლუბის კარი აიღო.

წყარო: goal.com