"მანჩესტერ იუნაიტედს" მღელვარების მიზეზი აქვს, რადგან დანიელებმა ტურნირს უკვე გამოთიშეს ერთი ინგლისური გუნდი.

"მიდტიულანდი" თავისი არსებობის ისტორიაში საუკეთესო შედეგს მიაღწევს, თუკი მეორე ინგლისურ კლუბს დაამარცხებს.



ეს გუნდები ერთმანეთს პირველად ხვდებიან ევროტურნირზე.

"მიდტიულანდი" ევროპის მასშტაბით ოთხჯერ დაუპირისპირდა ინგლისურ გუნდებს - 2 მოგება, 1 ფრე, 1 წაგება (1 მოგება, 1 ფრე - სახლში და წაგება და ფრე ინგლისში). პრემიერ ლიგის ერთი კლუბი უკვე დაამარცხა, როცა პლეი-ოფის სტადიაზე "საუთჰემპტონს" ორი მატჩის ჯამში 2-1 სძლია.

დანიელებს მანჩესტერში ერთადერთი მატჩი აქვთ ჩატარებული და ისიც მოიგო, როცა 2008-09 წლების სეზონის უეფა-ს თასის მეორე საკვალიფიკაციო ეტაპზე ადგილობრივი "მანჩესტერ სიტი" დაამარცხა. საპასუხო შეხვედრაში იგივე ანგარიშით დამარცხდნენ სახლში და პენალტების სერიაში 4-2 წაგების შემდეგ მომდევნო ეტაპზე "სიტი" გავიდა.

"მანჩესტერ იუნაიტედი" ექვსჯერ შეხვდა ევროარენაზე დანიურ კლუბებს - 4 მოგება, 1 ფრე, 1 წაგება (2 მოგება და 1 ფრე - სახლში, ხოლო 2 მოგება და 1 წაგება - დანიაში).

ფაქტები გუნდების შესახებ

"მიდტიულანდი" ბოლო 4 ევროპულ მატჩში ვერ ახერხებდა გამარჯვებას - 1 ფრე, 3 წაგება.

"მიდტიულანდი" პირველად გავიდა ევროთასის საგაზაფხულო სტადიაზე და ეს ევროპის ლიგის ჯგუფური ეტაპის ბარიერის დაძლევის შედეგად მოახერხა. "მიდტიულანდსა" და "მიოლდეს" ყველაზე ხანგრძლივი ევროპული კამპანია აქვთ მიმდინარე სეზონში, ორივე ეს კლუბი 1/16 ფინალში ჩემპიონთა ლიგის მე-2 საკვალიფიკაციო ეტაპზე დაწყებული ასპარეზობის შემდეგ გავიდა.




"მანჩესტერ იუნაიტედი" 2015/16 წლების სეზონში ჩემპიონთა ლიგის ჯგუფური ეტაპის გასვლით მატჩებში ვერ ახერხებდა გამარჯვებას - 1 ფრე, 2 წაგება. 2011-12 წლების სეზონის ევროპის ლიგის გათამაშებაში კი ზედიზედ სამი შეხვედრა წააგო.

"მანჩესტერ იუნაიტედი" ევროპის ლიგაზე ბოლოს 2011/12 წლების სეზონში ასპარეზობდა და მაშინ გუნდი 1/8 ფინალში გავიდა, სადაც "ატლეტიკთან" ორჯერ დამარცხდა - 2-3 და 2-1. ევროპის ლიგა (უეფა-ს თასი) - ერთადერთი ევროპული ტურნირია, რომელიც გუნდს არასდროს მოუგია. კლუბის საუკეთესო შედეგი ამ ტურნირზე - მეოთხედფინალია, რომელსაც 1994-85 წლებში მიაღწია.



მანჩესტერსა და ჰერნინგს შორის მანძილი 775 კილომეტრს შეადგენს.

"მიდტიულანდი" ევროპის ლიგის 1/16 ფინალში მოასპარეზე გუნდთა შორის ერთ-ერთია ექვსთა შორის, რომლებიც საკუთარი ქვეყნის ჩემპიონები არიან - "ბაზელი" (შვეიცარია), "გალათასარაი" (თურქეთი), "მიოლდე" (ნორვეგია) და "ოლიმპიაკოსი (საბერძნეთი), "მიოლდემ" თავისი სტატუსი უკვე დაუთმო "რუსენბორგს".

"მანჩესტერ იუნაიტედის" ფორვარდი ენტონი მარსიალი, სათადარიგო მეკარე სერხიო რომერო და "მიდტიულანდის" ნახევარმცველი იაკობ პოულსენი "მონაკოში" თანაგუნდელები იყვნენ 2013/14 წლების სეზონში.

დეილი ბლინდი და პეტერ ანდერსონი 2010 წელს "გრონინგენში" თამაშობდნენ.

"მიდტიულანდის" მეკარე მიკელ ანდერსონი იჯარის წესით თამაშობდა ინგლისის დაბალი დივიზიონის რამდენიმე გუნდში, როცა კონტრაქტით "რედინგს" უკავშირდებოდა.

"მიდტიულანდის" ხორვატი თავდამსხმელი მარტინ პუშიჩი ინგლისში 2011/12 წლების სეზონში "ჰალ სიტის" რიგებში ასპარეზობდა.

დანიური კლუბის ნახევარმცველი კრისტოფერ ოლსონი "არსენალში" სინჯებზე იმყოფებოდა, მაგრამ მის რიგებში მხოლოდ ერთი მატჩი ჩაატარა ძირითად შემადგელობაში - ლიგის თასზე "ვესტ ბრომის" წინააღმდეგ 2013 წლის სექტემბერში.

"მიდტიულანდი" 1999 წელს დაარსდა ორი კლუბის შერწყმის შედეგად - "იკასტი" და "ჰერნინგ ფრემანდი".

თუ "მანჩესტერ იუნაიტედი" მიმდინარე სეზონში ევროპის ლიგას მოიგებს, მეხუთე ევროპული კლუბი გახდება "აიაქსის", "ბაიერნის", "იუვენტუსისა" და "ჩელსისთან" ერთად, რომელთაც ევროპის ორივე მნიშვნელოვანი თასი ერგოთ - ჩემპიონთა თასი (ჩემპიონთა ლიგა), უეფა-ს თასი (ევროპის ლიგა და თასების მფლობელთა თასი).

გუნდების მწვრთნელები

"მიდტიულანდის" მწვრთნელი იეს ტორუპი ფორვარდის როლში გერმანიასა და ავსტრიაში ასპარეზობდა. მწვრთნელის რანგში სახელი "ესბიერგში" გაითქვა, რომელთან ერთადაც დანიის თასი მოიგო, სანამ დანიის ახალგაზრდულ ნაკრებს ევროპის 2015 წლის ჩემპიონატის ნახევარფინალში გაიყვანდა. "მიდტიულანდის" მწვრთნელი გასულ ზაფხულს გახდა.

"მანჩესტერ იუნაიტედის" მწვრთნელი ლუი ვან გაალი გუნდს 2014 წლის ზაფხულიდან წვრთნის, "აიაქსის" თავკაცის რანგში მან უეფა-ს თასი და ჩემპიონთა ლიგა მოიგო. ასევე ჩემპიონი გახდა ჰოლანდიაში, გერმანიასა და ესპანეთი "ალკმაართან", "ბაიერნსა" და "ბარსელონასთან" ერთად. ჰოლანდიის ნაკრები 2014 წლის მსოფლიო ჩემპიონატზე მესამე ადგილზე გაიყვანა.

გუნდების ბოლო შედეგები თავისი ქვეყნების ჩემპიონატის ბოლო მატჩებში:

13.02.2016. "მიდტიულანდი" - "ჰორსენსი" 4:2 (ონუაჩუ 3', ოლსონი 38', კადლეცი 64', პუშიჩი 76' - კრეიგერი 74' 90)

მდგომარეობა ჩემპიონატში: მე-3 ადგილი, 31 ქულა.

13.02.2016. "სანდერლენდი" - "მანჩესტერ იუნაიტედი" 2-1 (ჰაზრი 3', დე ხეა 82' (ავტოგოლი) - მარსიალი 39')

მდგომარეობა ჩემპიონატში: მე-5 ადგილი, 41 ქულა.