18 თებერვალს "მანჩესტერ იუნაიტედი" ევროპა ლიგის ეგიდით, მეთექვსმეტედფინალურ სტადიაზე პირველ მატჩს გამართავს დანიური "მიდტიულანდის" წინააღმდეგ.

ლუი ვან გაალმა ამ მატჩისთვის 18 მოთამაშე შეარჩია და მათთან ერთად გაემართება ჰერნინგში. "მგლების" წინააღმდეგ არ ითამაშებს უეინ რუნი, რომელიც განაცხადის მიღმა დარჩა და, დიდი ალბათობით, ჰოლანდიელი სპეციალისტი მატჩის წინა პრესკონფერენციაზე ისაუბრებს იმის შესახებ, თუ რა მიზეზით დარჩება კაპიტანი ინგლისში.

რუნის მსგავსად, მატჩში მონაწილეობას არ მიიღებს მატეო დარმიანი, რომელმაც პრემიერ ლიგის უკანასკნელ ტურში "სანდერლენდის" წინააღმდეგ გამართულ შეხვედრაში მხარი დაიზიანა და მისი ტრავმა სერიოზული ჩანს.

საპირისპიროდ, დანიაში შეიძლება, რამდენიმე ახალგაზრდის დებიუტიც ვიხილოთ, მაგალითად,რეგან პულის, ჯო რაილისა და ჯეიმს უეირის.

სრული განაცხადი კი ასეთია:

De Gea, Romero, Love, McNair, Smalling, Blind, Poole, Riley, Carrick, Herrera, Schneiderlin, Lingard, Pereira, Weir, Mata, Memphis, Martial, Keane.