5-02-2016, 00:15

ავტორი: RojoDiablo,

ნანახია: 4213,

კომენტარები: 11

"იუნაიტედმა" ლევანდოვსკის ვან პერსი ამჯობინა

"მანჩესტერ იუნაიტედის" არჩევანი რობინ ვან პერსიზე შეჩერდა.

The Independent იტყობინება, რომ "მანჩესტერ იუნაიტედმა" 2012 წელს რობერტ ლევანდოვსკისა და რობინ ვან პერსის შორის არჩევანი ჰოლანდიელზე შეაჩერა.

პრესის თანახმად, "იუნაიტედი" პოლონელი თავდამსხმელის შეძენას ახლაც აპირებს, მაგრამ ფეხბურთელი ინგლისში გადაბარგებით არ არის დაინტერესებული და მომდევნო სეზონის დასრულებას დაელოდება, რათა მადრიდის "რეალს" სატრანსფერო აკრძალვა მოეხსნას და "სანტიაგო ბერნაბეუს" მკვიდრებმა "ბაიერნის" ფორვარდი გადაიბირონ.

თუმცა 2012 წელს "იუნაიტედს" უკვე მზად ჰქონდა საზაფხულო შეთავაზება დორტმუნდის "ბორუსიასთვის". ნაცვლად ამისა, კლუბმა "არსენალს" მიმართა ვან პერსის თაობაზე და სერ ალექს ფერგიუსონმა ჰოლანდიელი შეიძინა. ფერგიუსონის პრემიერ ლიგის მეცამეტე ტიტულის მოპოვებაში კი რობინმა გადამწყვეტი როლი ითამაშა.

ამჟამად ვან პერსი "ფენერბაჰჩეში" თამაშობს, თავდამსხმელის პრობლემა კი კვლავ აქვთ "წითელ ეშმაკებს".

წყარო: goal.com